DD News Mizoram - Chanchinthar | 30 October 2024 | 6:30 PM

HEADLINES:

1. Chief Minister Pu Lalduhoma chuan vawiin khan Zoram Medical College ah Master Degree hmasa ber tur leh hmeichhe hostel thar a hawng a, sorkar chuan ZMC hmasawnna kiltin atangin a ngaihsak zel dawn a ti.

2. Mizoram State University din a nih theih nana dan siam dan tur zirchiangtu leh mawhphurtu hrang hrangte chu vawiin khan Higher & Technical Education Minister Dr Vanlalthlana hoin Aizawlah an thukhawm a, House-a pharh tur Bill chungchang an sawiho.

3. Rural Development Department Minister Prof. Lalnilawma chuan College of Veterinaty Sciences & Animal Husbandry, Selesih din champhaphak vawi 26-na a hmanpui.

4. Ram inpumkhatna ni, Rashtriya Ekta Diwas pualin vawiin khan sorkar hnathawk ten Chief Secretary Dr. Renu Sharma hoin thutiam an la.

5. Cheng nuai 1 thleng bill theihna, Mizoram State Health Care Scheme, thla ruk chhung atana inziahluh theihna hun chu November thla chhung hawn a ni dawn tih Mizoram State Health Care Society chuan mipuite a hriattir.

6. MPCC Sr. Vice President Pu Lalnunmawia Chuaungo chuan, Congress Party chu kum 2028 inthlanpui a sawrkar thei turin an inbuatsaih mek tih a sawi.

7. District council and Minority Affairs Secretary, Pi Sangchhin Chinzah chuan Siaha tlawhin, sorkar thuneitute, tlawmngai pawl leh political party hruaitute a kawm.

8. Mizoramah Agricultural Block pahnih - Tlabung Agricultural Block leh Kawrtethawveng Agricultural Block siam a nih thu, Sorkar-in nimin khan thuchhuah siamin a tarlang.

9. Serchhip leh Laawngtlai ah District Agriculture Marketing Committee chu vawiin khan an Chairman, Bawrhsap hoin an thukhawm.

10. Prime Minister Narendra Modi chuan naktuk khian ni 2 chamin Gujarat a tlawh dawn a, hmasawnna hnathawh tur leh thawh zawh tawh cheng vbc 280 hu a hawng ang.

11. Nikum chhungin NDRF in chhanchhuah hna vawi 900 chuang an thawh naah nunna 3000 chuang an chhanhim.

12. Jammu and Kashmir, Akhnoor sector-ah security force ten ralthuam thahnem tak an man.

13. Union Health Minister Jagat Prakash Nadda chuan New Delhi-a World Unity Day puala hun hman naah inpumkhat tura thutiam sawirualna a kaihruai.

14. Union Home Minister Amit Shah chuan nimin khan Census Building, New Delhi-ah Sardar Vallabhbhai Patel lim a khuh hawng.

15. Maharashtra, New Gajanan Market-ah tukin kangmei nasa tak a chhuak a, chhanchhuah hna thawh mek a ni.

Khawchin:
Minimum : 20.0 °C
Maximum : 27.0 °C
Vawiin Nilaini aṭanga Zirtawpni thleng khian Mamit, Kolasib, Aizawl, Champhai, Serchhip, Lunglei, Lawngtlai, Siaha, Saitual, Khawzawl leh Hnahthial District-ah khua ṭha tura rin a ni.

Follow DD Mizoram:
  / ddnewsmizoram  
  / ddnews_mizoram  
  / ddnewsmizoram