Скачать или смотреть નડિયાદ : મહારાજ સાહેબ તથા શિષ્યરત્નો અને વિશિષ્ટ બાલમુનીની નડિયાદના આંગણે પધરામણી થઇ.

નડિયાદ

નગરપ્રવેશ


આજે મહારાજ સાહેબ તથા શિષ્યરત્નો અને વિશિષ્ટ બાલમુનીની નડિયાદના આંગણે પધરામણી થઇ

55 સાધુ-સાધ્વજી ચૈત્ર માસમાં આયંબિલની ઓળીની કઠોર આરાધના કરાવશે
પખવાડિયા સુધી તપ, આરાધના કરાવશે આ દરમ્યાન સવારે પ્રવચન પણ યોજાશે


તાજેતરમાં સુરત મુકામે શ્વેતાંબર સંઘના લગભગ 55 દિક્ષાર્થીઓએ દીક્ષા અંગીકાર કર્યો હતો. આત્માની શુદ્ધિ અને સંયમ માર્ગ માટે 55 દિક્ષાર્થીઓએ દીક્ષા અંગીકાર કર્યો હતો. જેમાં ખાસ યુવાન વયના તથા બાળ મૂનીનો સમાવેશ થાય છે. આ તમામે તમામ દીક્ષા અંગીકાર કરનાર સાધુ સાધ્વીઓ આજે વિહાર કરતા કરતા નડિયાદ મુકામે આવી પહોંચ્યા હતા.

નડિયાદ શ્વેતાંબર જૈન સંઘ દ્વારા આ તમામ સાધુ સાધ્વીઓનું આગમન ટાણે આવકાર અપાયો હતો. શહેરના વાણીયાવાડ ખાતે સામૈયુ કરવામાં આવ્યું હતું. આ બાદ વિદ્યુતનગર ખાતે રહેતા શિલ્પાબેન જયેશભાઈ શાહ મહેળાવવાળાના ઘરે પધરામણી કરી હતી. ત્યાંથી નડિયાદના મુખ્ય જૈન દેરાસર દેવ ચકલા ખાતે પધાર્યા હતા.

ચૈત્રી માસનુ ધાર્મિક મહત્વ છે આ મહત્વ જૈન સમાજમાં પણ એટલું જ છે. ચૈત્ર માસમાં આયંબિલની ઓળીની કઠોર આરાધના કરાવામાં આવે છે. નડિયાદના આંગણે પધારેલા સાધુ સાધ્વીઓ ‌ચૈત્ર માસના પ્રથમ પખવાડિયા દરમિયાન આયંબિલની ઓળીની કઠોર આરાધના કરાવશે. જેમા દરોરોજ સવારે જૈન દેરાસર ખાતે પ્રવચન યોજાશે. અને તપ, આરધના કરાવશે. પખવાડિયા બાદ પધારેલા સાધુ-સાધ્વીઓ અમદાવાદ તરફ જશે તેમ જૈન અગ્રણી જીગ્નેશભાઈ શાહે જણાવ્યું છે.