Скачать или смотреть Tv Klan - Nis gjykimin në themel ndajj kryebashkiakut Veliaj

Gjykimi në themel për kryebashkiakun e Tiranës, Erion Veliaj, nisi me një fitore të vogël këtë të hënë.

Pas disa kërkesash të bëra fillimisht në fazën e seancës paraprake, treshja e gjyqtarëve të themelit vendosi të urdhërojë një oficer të policisë gjyqësore që t’i dorëzojë fizikisht kryebashkiakut dosjen në paraburgimin e Durrësit, ku ai ndodhet.

Në nisje të seancës, Veliaj argumentoi mosprezencën e tij dhe të një avokati të zgjedhur me faktin se i ishte mohuar një proces paraprak dhe se nuk ishte njohur me aktet që e vinin në akuzë për disa akuza, më të rëndat ajo e korrupsionit në 9 raste dhe pastrimi i parave.

Kjo vendimmarrje e Gjykatës së Posaçme u konsiderua nga avokati Maksim Haxhia, që përfaqëson bashkëshorten e Veliajt, Ajola Xoxën, e drejtë.

Treshja e gjyqtarëve, e kryesuar nga Engellishe Tahiri, megjithatë e pati të pamundur të çelte gjykimin e kësaj dosjeje për shkak të mungesës së disa avokatëve, duke e shtyrë procesin për në datën 24 mars.

Bashkë me Veliajn dhe Xoxën në këtë çështje po gjykohen për përfshirje në korrupsion, pastrim parash apo edhe pengim të zbardhjes së të vërtetës edhe 17 të tjerë, mes tyre biznesmenë dhe njerëz të afërt të çiftit. Veliaj i ka hedhur poshtë akuzat e ngritura nga SPAK.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/