Скачать или смотреть كلمات في رثاء العم مانع عميد العشبه ابو زياد عسى مثواه الجنة ..

يامال جنان الخلد يالعم ابو زياد
ياللي على طيب الملا فيك زودي

يالعز يالخوّه ياكساب الأمجاد
يالجود يالحكمه ياعرب الجدودي

يالمجد يالناموس ياكل الأجواد
يالفعل يالنخوة ياطب الكبودي

يالنادر اللي بالصعيبات سداد
يالوافي اللي باللوازم يجودي

يماخذٍ بالطيب مصدر وميراد
عون الرفيق اليا نصاه محدودي

ياواحدٍ علمه على روس الأشهاد
عليك ياوجدي ولايا وجودي

شف البشر قامت بتأبينك أعداد
صلوا على قبرك سوات الحشودي

وشف الحزن بعيوننا كيف يزداد
ودمع الرجال يطيح فوق الخدودي

ياللي لفعل الخير حاضر ومعتاد
شفنا عليك مبيحيين السدودي

شلون مانعلن على موتك حـداد
وأنت الذي حبك معانا يسودي

حزنك تعدا بلاد وبلاد وبلاد
والله مالومه لو تعدا الحدودي

ويبقى عوضنا براس ابو طارق وزياد
واخوانه اللي مثل وصف الفهودي

الغانمين أهل الوفاء قروم الأولاد
هم عزوتي وقت اللوازم عضودي

واختامها مرحوم يالعم ابو زياد
ياللي على طيب الملا فيك زودي