Скачать или смотреть શ્રી શિવ માનસ પૂજા સ્તોત્ર - ભાવાર્થ || Shiv Manas Puja Stotra

रत्नैः कल्पितमासनं हिमजलैः
स्नानं च दिव्याम्बरं
नानारत्नविभूषितं मृगमदा
मोदाङ्कितं चन्दनम् ।
जातीचम्पक बिल्वपत्ररचितं
पुष्पं च धूपं तथा
दीपं देव दयानिधे पशुपते
हृत्कल्पितं गृह्यताम् ॥१॥

सौवर्णे नवरत्न खंडरचिते
पात्रे धृतं पायसं
भक्ष्यं पंचविधं पयोदधि युतं
रम्भाफलं पानकम्‌ ।
शाका नाम युतं जलं रुचिकरं
कर्पूर खंडौज्ज्वलं
ताम्बूलं मनसा मया विरचितं
भक्त्या प्रभो स्वीकुरु ॥२॥

छत्रं चामर योर्युगं व्यजनकं
चादर्शकं निर्मलं
वीणा भेरि मृदंग काहलकला
गीतं च नृत्यं तथा ।
साष्टांग प्रणतिः स्तुति-र्बहुविधा
ह्येतत्समस्तं मया
संकल्पेन समर्पितं तव विभो
पूजां गृहाण प्रभो ॥३॥

आत्मा त्वं गिरिजा मतिः सहचराः
प्राणाः शरीरं गृहं
पूजा ते विषयोपभोगरचना
निद्रा समाधिस्थितिः ।
संचारः पदयोः प्रदक्षिणविधिः
स्तोत्राणि सर्वा गिरो
यद्यत्कर्म करोमि तत्तदखिलं
शम्भो तवाराधनम्‌ ॥४॥

कर चरण कृतं वा कायजं कर्मजं वा
श्रवणनयनजं वा मानसं वापराधम्‌ ।
विहितमविहितं वा सर्वमेतत्क्षमस्व
जय जय करुणाब्धे श्री महादेव शम्भो ॥५॥

#shiv
#shivmanaspujastotra
#shivmanaspujastotratranslation
#shivstotra
#shivstuti
#anhadnaad