Скачать или смотреть មីអ៊ីតាលី (ស្ពាហ្គេទីទឹកប៉េងប៉ោះ)[Tomato Spaghetti]ម្ហូបអ៉ីតាលី[Kitchen Story]

[Tomato Spaghetti]ម្ហូបអ៉ីតាលី[Kitchen Story]

Ingredients :

4 Tomato/ Olive oil/ Onion/ Garlic/ Dried chili/
Beef (200g)/ a pinch of salt/ Tomato paste (1tbsp)/
Sugar (1tsp)/ Chicken stock (120ml)/ Bay leaf/
Dried or fresh parsley/ Black pepper/ Black olive & Basil

រសជាតិ ក្លិន និងសោភណ័ភាពរបស់ម្ហូបអាហារអាចរំលឹកយើងពីអនុស្សាវរីយ៍ល្អៗ ដែលយើងមានជាមួយក្រុមគ្រួសារ និងមិត្តភក្តិ។ ចុះតើមីអ៊ីតាលីមួយចាននេះអាចរំលឹកបងប្អូនអំពីអនុស្សាវរីយ៍មួយណា?

គ្រឿងផ្សំ ៖

ប៉េងប៉ោះទុំ (៤ផ្លែ)/ ប្រេងអូលីវ(៣ស្លាបព្រាបាយ)
ខ្ទឺមបារាំង(មួយចំហៀង)/ ខ្ទឹមស(តាមចំណូលចិត្ត)/ ម្ទេសក្រៀម(៣ផ្លែ) សាច់គោ(២ខាំ/២០០ក្រាម) អំបិល ១ចឹប/
សាច់ប៉េងប៉ោះកំប៉ុង(១ស្លាបព្រាបាយ)/
ស្ករ(១ស្លាបព្រាកាហ្វេ) ទឹកស៊ុបមាន់(១វែកសម្ល/១២០មីលីលីត្រ)
ស្លឹកBay Leaf, Parsley/ ម្រេច/ ផ្លែអូលីវ & ជីBasil

វិធីស្ងោរSpaghetti

ដាក់ទឹកដាំឱ្យពុះ រួចបង់អំបិលកន្លះស្លាបព្រាបាយ (ទឹកស្ងោរSpaghettiត្រូវមានរសជាតិប្រៃល្មម) បន្ទាប់មកត្រូវដាក់សរសៃSpaghettiចូល ហើយស្ងោរតាមចំនួននាទីដែលគេបានកំណត់នៅលើកញ្ចប់។

បញ្ជាក់ ៖
*** ក្នុងករណីដែលបងប្អូនចង់ឆាSpaghettiលាយជាមួយនឹងSauceប៉េងប៉ោះ ត្រូវស្ងោរវាឱ្យឆ្អិនតែ៨០ភាគរយបានហើយ។ ប្រសិនបើបងប្អូនស្ងោរឱ្យឆ្អិនទាំងអស់ Spaghettiនឹងរលួយ ឬ ផុយពេកនៅពេលដែលបងប្អូនយកវាមកឆា។
*** ក្នុងករណីដែលបងប្អូនចង់ដួសSauceប៉េងប៉ោះស្រោចពីលើសរសៃSpaghetti បងប្អូនត្រូវស្ងោរវាឱ្យឆ្អិនត្រឹមត្រូវតាមចំនួនពេលវេលាដែលគេបានកំណត់នៅលើកញ្ចប់។
*** មិនត្រូវដាក់ប្រេងអូលីវ ឬ ប្រេងណាក៏ដោយចូលក្នុងទឹកពេលកំពុងស្ងោរSpaghetti។ ពេលដែលស្ងោររួចហើយក៏មិនត្រូវដាក់ប្រេងច្របល់ក្នុងសរសៃមីដែរ ព្រោះជាតិប្រេងនឹងធ្វើឱ្យសរសៃមីទៅជារលោង ហើយSauceប៉េងប៉ោះនឹងមិនស្អិតជាប់សរសៃមីនោះទេ នេះមានន័យថាពេលដែលបងប្អូនពិសា សរសៃSpaghettiនឹងនៅមួយឡែក ហើយSauceប៉េងប៉ោះនឹងនៅដោយឡែក។ ប្រសិនបើបងប្អូនស្ងោរមីចំនួនច្រើន ហើយខ្លាចសរសៃមីស្អិតជាប់គ្នា បងប្អូនអាចយកSauceប៉េងប៉ោះមកលាយជាមួយនឹងសរសៃមីបន្តិចបាន។
*** ក្រោយស្ងោរSpaghettiរួចហើយ មិនត្រូវយកវាទៅលាងទឹកនោះទេ។
*** មិនត្រូវស្ងោរSpaghettiទុកចោលនោះទេ គឺត្រូវពិសារភា្លមៗបន្ទាប់ពីបានស្ងោរវារួច។

Facebook Page :   / be.kitchenstory  
Instagram :   / the__kitchen_story