Mauro Staraj & La Banda - Joze, Joze, Joze ( full version )

Pjesma o legendarnom Josipu Brozu Titu, full verzija koja će se nalaziti samo na albumu ''Vrh Vrhova'' ( Music Kitchen Records, 2015.)
Album izlazi 13.1.2015.

Tekst pjesme '' Jože, Jože, Jože'' ( full version )

JOŽE, JOŽE, JOŽE

Jožeta je onda celi svet poznal,
a onda je šal va raj il' pakal.
Kamo, ja ne znan, a ne znate ni vi
i da je sad živ, pomoći nan ni.

Jože, Jože, Jože
ne biš nan rada bil va kože
kade je sad tvoja Jugoslavija?
Jože, Jože, Jože
kako da stvari se poslože?
Kako biš ti bil ovo rešil?

Pa odzgora gleda Jože
kako lopovi se množe
tel bi se spustit problem rešit.
A ne bi ni on već mogal nan pomoć
zamislite koliko judi progutala bi noć.
Jože, Jože, Jože
ne biš nan rada bil va kože
kade je sad tvoja Jugoslavija?
Bože, Bože , Bože
spusti me dole zija Jože
baren na minut, ma će me čut.

Glava ga boli, aš pomoći nan ni
se ča bilo je naše smo prodali.
Jože boje da si gore i nimaš niš s ten
ipak Ti si nekad bušal Sophiju Loren.
Jože, Jože, Jože
rada bin ti bil va kože
aš Sophija j' bila jako lepa.
Bože, Bože, Bože
pomozi mi zija Jože
se ću ti ja dat
Jovanka ne sme znat.

Stani, stani, stani! Još ni gotovo! Ima još!

Rap:
GOVORE JUDI DA SU ONDA SI IMELI DELO
DA SVE SI IMEL ČRNO NA BELO
SVI DA SU VA ŠKOLE NOSILI ISTE KUTI
I ŠTAFETU ODTEKLI SAKI PAR PUTI
MOGAL SI VOZIT PAR AUTI I NIŠ DRUGO
STOJADINA IL FIĆOTA, PEGLICU ILI YUGO
GOVORE DA SE NI ŽIVELO NA BRZINU
MAGARI SE J’ VOZILO NA BONI ZA BENZINU
JUDI DA SU IMELI VIŠE STRPJENJA
TELEVIZIJU OD ISKRE, ŠPARHET OD GORENJA
MIĆI ČOVEK DA VIŠE SE J’ ŠTIMAL
DELAVAC SAKI SVOJE JE DELO ZNAL
DA SE OKO NIČEGA NI DELALO DRAMI
PLAĆU SI SLUŽIL S SVOJMI RUKAMI
PARIZER SE JE REZAL NA TANKO
NA TELEVIZIJE JE BIL KOCKICA BRANKO
VA ŠKOLE NARANČASTE BILE SU TEKE
A VEČER OLIVER MLAKAR VA KVISKOTEKE
NA NOGAH BOROLETE I SANDALE
MAJICE ‘’RAŠICA’’ I ‘’DOMŽALE’’
DOBRO TEPLILI SU NAS ZDOLA PASA
SKAFANDERI ‘’ELAN’’, ‘’TOPER’’ I ‘’YASSA’’
ZAČ DANAS SVI KAD STE LOŠE VOJE
REČETE SAMO ONDA BILO JE BOJE
ŠI TEJETE REĆ POMOZI NAN BOŽE
DA BUDE KO ONDA KAD BIL JE JOŽE?

Jože, Jože, Jože
ne biš nan rada bil va kože
kade je sad tvoja Jugoslavija?
Bože, Bože , Bože
pomozi njin zija Jože
zač me ne spustiš? Se j’ šlo va niš!