Скачать или смотреть #ព្រះបន្ទូលនៃសេចក្ដីពិតសម្រាប់ថ្ងៃអាទិត្យ

#ចំណងជើងវីដេអូ៖ «ពិភពលោករបស់អ្នកត្រូវការអ្នក» Your World Needs You

#រៀបរៀងឡើងដោយ Pastor Chris

#ព្រះបន្ទូលនៃសេចក្ដីពិតសម្រាប់ថ្ងៃអាទិត្យ ទី១៤ ខែធ្នូ ឆ្នាំ២០២៥

«ពិភពលោករបស់អ្នកត្រូវការអ្នក» Your World Needs You

#អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប»

«ទ្រង់​ផ្តាំ​គេ​ថា ចូរ​អ្នក​រាល់​គ្នា​ទៅ​ពេញ​សព្វ​ក្នុង​លោកីយ​ទាំង​មូល ហើយ​ផ្សាយ​ដំណឹង​ល្អ​ទួទៅ​ដល់​គ្រប់​មនុស្ស​ទាំង​អស់​ចុះ អ្នក​ណា​ដែល​ជឿ ហើយ​ទទួល​បុណ្យ​ជ្រមុជ‌ទឹក នោះ​នឹង​បាន​សង្គ្រោះ តែ​អ្នក​ណា​ដែល​មិន​ព្រម​ជឿ នោះ​នឹង​ត្រូវ​ទោស​វិញ» (ម៉ាកុស ១៦:១៥–១៦)។

នៅម៉ោងនេះ មានភាពបន្ទានមួយ, ដ្បិតអី មនុស្សនៅគ្រប់ទីកន្លែង ពួកគេ កំពុងតែស្វែងរក ខ្នះខ្នែង និងប្រាថ្នាចង់ស្គាល់ព្រះអម្ចាស់។ ទោះយ៉ាងណាក៏ដោយ ពួកគេមិនអាចជឿបានទេ ប្រសិនបើ ពួកគេមិនបានឮព្រះបន្ទូល ហើយបើគ្មានអ្នកណា នឹងផ្សាយអំពីព្រះបន្ទូលនេះ៖ «ដូច្នេះ បើ​គេ​មិន​ជឿ ធ្វើ​ដូច​ម្តេច​ឲ្យ​គេ​អំពាវ‌នាវ​ដល់​ព្រះ​បាន ហើយ​បើ​គេ​មិន​បាន​ឮ​និយាយ នោះ​ធ្វើ​ដូច​ម្តេច​ឲ្យ​គេ​ជឿ​ដល់​ព្រះ​បាន ហើយ​ធ្វើ​ដូច​ម្តេច​ឲ្យ​គេ​ឮ​និយាយ​បាន បើ​គ្មាន​អ្នក​ណា​ប្រាប់​សោះ» (រ៉ូម ១០:១៤)។ ដូច្នេះ អ្នកផ្សាយដំណឹងល្អនោះ គឺជាអ្នក។

អ្នកនឹងហើយ គឺជាចម្លើយរបស់ព្រះ ចំពោះសេចក្ដីអំពាវនាវរបស់ពួកគេ។ ស្ថានសួគ៌ កំពុងតែពឹងផ្អែកលើអ្នក ដើម្បី និយាយ ចេញទៅ ស្វែងរក និងស្រឡាញ់។ ទំនួលខុសត្រូវនៃការចាប់យកព្រលឹងមនុស្ស មិនមែនសម្រាប់មនុស្សមួយចំនួននោះទេ តែវាគឺសម្រាប់ ទាំងអស់គ្នា គឺជា អស់អ្នកណា ដែលបានទទួលជីវិតរបស់ព្រះគ្រីស្ទ។ សូមកុំរង់ចាំ ទាល់តែមានការត្រាស់ហៅបែបពិសេសៗណាមួយឡើយ តើអ្នកដឹងទេថា អ្នកត្រូវបាន ត្រាស់ហៅ និងត្រូវបានប្រគល់កិច្ចការងារនេះរួចរាល់ហើយ ដូចដែលយើង បានអាននៅក្នុងខគម្ពីរខាងលើអញ្ចឹង។ សូមកុំរង់ចាំ ពេលវេលាល្អៗប្រសើរៗឡើយ ក៏ប៉ុន្តែ ពេលវេលាដ៏ប្រសើរនោះ គឺឥឡូវនេះ ។

អ្នកប្រហែលជា មិនដែលដឹងពីឥទ្ធិពលនៃការស្តាប់តាមបង្គាប់របស់អ្នក ចំពោះការត្រាស់ហៅនេះទេ នោះគឺថា៖ មនុស្សម្នាក់ ដែលបានទទួលសេចក្ដីសង្រ្គោះ នោះគេអាចផ្លាស់ប្តូរគ្រួសារ ទីក្រុង ឬមនុស្សជំនាន់មួយបាន។ គ្រប់ៗព្រលឹងវិញ្ញាណទាំងអស់ គឺសំខាន់ណាស់ ហើយគ្រប់កិច្ចខិតខំប្រឹងប្រែងទាំងអស់ គឺមានតម្លៃខ្លាំងណាស់ សូមឲ្យសេចក្តីពិតនេះ បានដាស់តឿនអ្នក ដើម្បីចាប់យកព្រលឹងមនុស្ស។ សូមឆ្លើយតបនឹងការត្រាស់ហៅដោយអំណរ និងមានភាពរុះរាន់។ ដ្បិតអី ពិភពលោករបស់អ្នក កំពុងតែត្រូវការអ្នក ឥឡូវនេះហើយ។

#ការអធិស្ឋាន
ឱព្រះវរបិតាអើយ! ទូលបង្គសូមអរព្រះគុណព្រះអង្គ ដែលបានទុកចិត្តទូលបង្គំ ជាមួយនឹងព្រះបន្ទូលនៃសេចក្តីសង្រ្គោះនេះ ដូច្នេះ ទូលបង្គំឆ្លើយតបដោយសេចក្តីជំនឿ និងស្តាប់បង្គាប់ ចំពោះការត្រាស់ហៅរបស់ខ្លួន។ ពីព្រោះដោយសារតែព្រះចេស្ដារបស់ព្រះវិញ្ញាណបរិសុទ្ធ នោះទូលបង្គំ អាចនាំយកព្រះបន្ទូលនៃសេចក្តីស្រឡាញ់ និងព្រះគុណនេះ ទៅដល់មនុស្សគ្រប់រូបនៅក្នុងពិភពលោករបស់ទូលបង្គំបាន។ ទូលបង្គំគឺជា ទូតនៃសេចក្តីស្រឡាញ់ និងសេចក្តីពិតរបស់ព្រះ ហើយតាមរយៈទូលបង្គំ នោះនឹងមនុស្សជាច្រើន ត្រូវបានរំដោះពីសេចក្ដីងងឹតចូលមកឯពន្លឺនៃព្រះនគរ ក្នុងព្រះនាមព្រះយេស៊ូវ។ អាម៉ែន។

#ការសិក្សាបន្ថែម៖ ម៉ាថាយ ២៨:១៩–២០ កូរិនថូសទី១ ៩:១៦ កិច្ចការ ២០:២៤