Скачать или смотреть Klan News-Kanadaja nuk e përjashton pjesëmarrjen në luftë

Kryeministri i Kanadasë, Mark Carney, nuk e ka përjashtuar mundësinë e pjesëmarrjes së vendit të tij në luftën e Lindjes së Mesme.

Nga Australia ku ndodhet për një vizitë, ai tha se Kanadaja do të qëndrojë pranë aleatëve të saj dhe do të mbrojë gjithmonë qytetarët e saj.

“… keni bërë një pyetje hipotetike themelore, në një konflikt që mund të përhapet shumë, ngjarjet e sotme dhe ngjarjet e fundit tregojnë për këtë. Pra, askush nuk mund ta përjashtojë kategorikisht pjesëmarrjen. Ne do të qëndrojmë pranë aleatëve tanë”, pohoi Carney.

Në konferencën e përbashkët me homologun kanadez edhe kryeministri australian kërkoi ulje të tensioneve në rajon.

“Sigurisht, Kryeministri mund të flasë për veten e tij, por mendoj se bota dëshiron të shohë një ulje të tensioneve dhe dëshiron të shohë Iranin të ndalojë përhapjen e sulmeve të tij. Po shohim shtete të Gjirit që nuk janë të përfshirë në konflikt dhe po sulmohen nga të gjitha anët”, deklaroi Kryeministri i Australisë, Anthony Albanese.

Të dy mbajtën të njëjtin qëndrim duke u shprehur se një armëpushim nuk duhet të ndodhë derisa Teherani të mos ketë më aftësinë për të prodhuar një armë bërthamore.

Pas Australisë, Carney do të vazhdojë udhëtimin për në Japoni ku do të takohet me kryeministren Sanae Takaichi.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan