शीतला माता का मनमोहक पचरा नवरात्रि स्पेशल। माई कहैलीं - केकरे घरवां ना, दीयना जलै सारी रतीया हो?

#शीतला_माता_का_पचरा
#नवरात्रि_स्पेशल
#पचरा

गलियां की गलियां घूमैंली शीतला मईया हो,
केकरे घरवां ना, दीयना जलै सारी रतीया हो?

दीयना त जलै ओही मलीया के घरवां हो,
जवन मलीया ना, गजरा गूछै सारी रतीया हो...

दीयना त जलै ओही कोहंरा के घरवां हो,
जवन कोहंरा ना, कलसा गढ़ै सारी रतीया हो...

दीयना त जलै ओही कहंरा के घरवां हो,
जवन कहंरा ना, घड़ीला भरै सारी रतीया हो...

दीयना त जलै ओही पंडित के घरवां हो,
जवन पंडित ना, पोथिया बाचैं सारी रतीया हो...

दीयना त जलै ओही सोनरा के घरवां हो,
जवन सोनरा ना, नथीया/टीका सारी रतीया हो...

दीयना त जलै ओही सेवका के घरवां हो,
जवन सेवका ना, विनती करै सारी रतीया हो...
करै माई से विनतीया हो...

दीयना त जलै ओही गरीबवा के घरवां हो,
जवन गरीबवा ना, करै माई क भजनीया सारी रतीया हो...

घूमी-घामी अईलीं मईया अपने मंदिरवा हो,
असीसै लगलीं ना, एहि नगरीया के लोगवां के...