Скачать или смотреть மன அழுத்தத்தால் பாதிக்கப்பட்டவர்கள் திடீர் தற்கொலை முடிவை எடுப்பது ஏன்?

கோவை டி.ஐ.ஜி. விஜயகுமார் கடந்த 7-ந் தேதி துப்பாக்கியால் சுட்டு தற்கொலை செய்து கொண்டார். ஓசிடி என்ற மன அழுத்த நோயால் பாதிக்கப்பட்ட அவர் இந்த முடிவைத் தேடிக் கொண்டதாக விசாரணையில் தெரியவந்துள்ளது.ஓசிடி என்பது எண்ண சுழற்சி. எண்ண சுழற்சி என்றால் ஓரு செயலை திரும்ப திரும்ப செய்வது. மனபதட்டம் என்பது சின்ன விஷயத்தை கூட பெரிதாக எடுத்துக்கொள்வார்கள். எண்ண சுழற்சி உள்ளவர்களுக்கு மனபதட்டமும் இருக்கும்.
பொதுவாக ஓசிடி பாதிக்கப்பட்டவர்களுக்கு தாங்கள் தங்களது வாழ்க்கையில் மறக்க நினைக்கும் ஒரு கசப்பான நிகழ்வை அவர்களது மூளை மீண்டும் மீண்டும் அவர்களுக்கு ஞாபகப்படுத்தும். இதனால் தூக்கம் தடைபடும். வேலையில் ஈடுபாடு குறையும்.
இதற்கான சிகிச்சையை முழுவதுமாக எடுத்துக் கொண்டால் தான் அந்த பிரச்சினையிலிருந்து அவர்களை வெளியே கொண்டு வர முடியும். சிகிச்சை எடுத்துக்கொண்டிருக்கும் போதே தங்களுக்கு குணமாகி விட்டது என்று சிலர் நினைத்துக்கொண்டு சிகிச்சையை பாதியில் விட்டு விடுவார்கள். ஆனால் நெருக்கடி ஏற்படும் போது தான் மன அழுத்தம் உருவாகும். அது அதிகமாகும்போது அந்த நபர் யாரிடமும் பேச மாட்டார்கள். அவர்களின் நடவடிக்கை வித்தியாசமாக இருந்திருக்கும். மன அழுத்தத்தால் பாதிக்கப்பட்டவர்கள் உடனடியாக தற்கொலை முடிவை எடுக்க மாட்டார்கள்.ஆனால் அதற்கு முன்பு அதுபோன்ற அறிகுறிகள் தெரிந்திருக்கும். இதை வீட்டில் உள்ளவர்கள் தெரிந்து கொண்டு உடனடியாக சிகிச்சை அளிக்க வேண்டும். இப்படி பலமுறை தற்கொலை முடிவுக்கான அறிகுறிகள் தெரிந்தும் அதற்கு சிகிச்சை அளிக்காமல் இருக்கும் நிலையில் தான் அவர்கள் மரணத்தை தழுவும் முடிவை எடுப்பார்கள். அத்தகைய எண்ண சுழற்சி மற்றும் மனபதட்டம் குறித்து இந்த வீடியோ தொகுப்பு விளக்குகிறது.#கோயம்புத்தூர் #Coimbatore #vijayakumar #suicide #obsessivecompulsivedisorder #ocd #psychiatrist #brain