Скачать или смотреть SIYDIK QOPI RAKI OPERATSIYASI

Siydik qopi oʻsmalari qanday operatsiya qilinadi?
Siydik qopi oʻsmalari asosan jarrohlik, shuningdek ximiyaterapiya va nur yordamida davolanadi. Jarrohlik amaliyoti uchun oʻsmaning siydik qopi devoriga qanchalik chuqur oʻsganligini bilish kerak.
Bu nega kerak?
Ma'lumki siydik qopi oʻsmasi yuzaki ( siydik qopining shilliq qavati bilan chegaralangan) va mushak invaziv( mushak qavatiga va undan ham chuqurga oʻsgan) turlari bor.
Yuzaki oʻsmalar transuretral rezektsiya ( TUR) yordamida olib tashlanadi. Bunda siydik kanalidan cistoskop apparat kiritilib u bilan oʻsma olib tashlanadi. Afzalligi- ogʻriqsiz, ish qobiliyati saqlangan, jarohatsiz amaliyot boʻlib bemor operatsuyadan soʻng oʻsha kuniyoq uyiga ketadi. Kamchiligi- oʻsmaning qaytalanish xavfi yuqoriligi(70 foiz).
Mushak invasiv oʻsmalarda siydik qopini toʻliq olib tashlash darkor, aks holda oʻsma qaytalanadi. Bunda ochiq usulda yoki laparoskopik , shuningdek robot yordamida operatsiya oʻtkazish mumkin. Siydik qopi atrof toʻqima bilan birga( ayollarda bachadon, erkaklarda prostata bezi) olib tashlanadi
Siydik chiqishi uchun ichakdan rezervuar yoki konduit yasaladi, siydik tabiiy yoʻl bilan emas shu usul orqali chiqib turadi. Afzalligi radikallik, ya'ni oʻsma kasalligidan toʻliq tuzalib ketish imkoni yuqoriligi.
Kamchiligi: asoratlar xavfi, amaliyot uzoq davom etishi, siydik chiqarichning notabiiy yoʻllar orqali amalga oshirish kerakligi, ish qobiliyatining uzoq muddatga yuqolishi kabilar.

Сийдик қопи усмалари қандай операция қилинади?
Сийдик қопи усмалари асосан жарроҳлик, шунингдек химиятерапия ва нур ёрдамида даволанади. Жарроҳлик амалиёти учун усманинг сийдик қопи деворига қанчалик чуқур усганлигини билиш керак.
Бу нега керак?
Маълумки сийдик қопи усмаси юзаки ( сийдик қопининг шиллиқ қавати билан чегараланган) ва мушак инвазив( мушак қаватига ва ундан ҳам чуқурга усган) турлари бор.
Юзаки усмалар трансуретрал резекция ( ТУР) ёрдамида олиб ташланади. Бунда сийдик каналидан cистоскоп аппарат киритилиб у билан усма олиб ташланади. Афзаллиги- огʻриқсиз, иш қобилияти сақланган, жароҳатсиз амалиёт булиб бемор операциядан сунг уша куниёқ уйига кетади. Камчилиги- усманинг қайталаниш хавфи юқорилиги(70 фоиз).
Мушак инвазив усмаларда сийдик қопини тулиқ олиб ташлаш даркор, акс ҳолда усма қайталанади. Бунда очиқ усулда ёки лапароскопик , шунингдек робот ёрдамида операция утказиш мумкин. Сийдик қопи атроф туқима билан бирга( аёлларда бачадон, эркакларда простата бези) олиб ташланади
Сийдик чиқиши учун ичакдан резервуар ёки кондуит ясалади, сийдик табиий йул билан эмас шу усул орқали чиқиб туради. Афзаллиги радикаллик, яъни усма касаллигидан тулиқ тузалиб кетиш имкони юқорилиги.
Камчилиги: асоратлар хавфи, амалиёт узоқ давом этиши, сийдик чиқаришнинг нотабиий йуллар орқали амалга ошириш кераклиги, иш қобилиятининг узоқ муддатга йуқолиши кабилар.