Скачать или смотреть 🌹 તમે રામ ભજન માં આવજો રે..🌹લખેલુ છે )

રામ ભજનમાં આવજો રે
કોઈ આવે તેને સાથે તેડી લાવજો રે તમે રામ ભજનમાં...

છોડો છોડો ઘડીક ઘર બારને રે
પડતી મેલોને પારકી પંચાતને રે તમે રામ ભજનમાં...

નથી ધન દોલત કોઇ કામની રે
તમે માળા કરી લ્યો રામ નામની રે તમે રામ ભજનમા...

જન્મમારો ગયો કામકાજમાં રે
ન રાખ્યા કદી રામને ધ્યાનમાં રે તમે રામ ભજનમાં..

ત્યાં નદીઓના નીર આડા આવશે રે
ત્યાં રામ આવીને તને તારશે રે તમે રામ ભજનમાં...

આવો અવસર ફરી પાછો નહીં મળે રે
માટે હરિ ભજન કરો ભાવથી રે તમે રામ ભજનમાં...

ભવસાગરમાં ડૂબી તારી નાવડી રે
હરિ ભજવાની રીત તોએ ના આવડી રે તમે રામ ભજનમાં..

તારી જિંદગી ગઈ ગોથા મારતી રે
પાંચ પુણ્ય કર્યા નહીં ભાવથી રે તમે રામ ભજનમાં...

જાવું પડશે મૂકીને પલવારમાં રે
કાઈ આવશે નહીં તારી સાથમાં રે તમે રામ ભજનમાં...

વયા ગયા રાજા ને ઘણા રાજીયા
રે એના નામ નિશાન પણ જતા રહ્યા રે તમે રામ ભજનમા..

દાસ વલ્લભ કહે તમે ચેતજો રે
હરિ ભજનમાં જિંદગી વિતાવજો રે તમે રામ ભજનમાં...

🌹🌹