Скачать или смотреть သယံဇာတ တူးဖော်ရေး လုပ်ငန်းများ လေကြောင်း အန္တရာယ် အထူးသတိပြုရန် အရေးကြီးဟု သတိပေးပြောကြား

တော်လှန်ရေးတပ်များ သိမ်းပိုက်ထားသော မိုးကုတ် နှင့် ဖားကန့် နယ်မြေများ အပါအဝင် သယံဇာတ တူးဖော်ရေး လုပ်ငန်းများ လေကြောင်း တိုက်ခိုက်မှု့ အန္တရာယ် အထူးသတိပြုရန် အရေးကြီးဟု နေပြည်တော် တပ်သတင်းရင်းမြစ် သတိပေးကြောင်း သိရှိရ

ရန်ကုန်၊ ဖေဖော်ဝါရီ ( ၂၁ )

စစ်အာဏာရှင်ကို ဆန့်ကျင်တိုက်ခိုက်နေသော တော်လှန်ရေးတပ်များ သိမ်းပိုက်ထားသည့် မိုးကုတ် နှင့် ဖားကန့် နယ်မြေများ အပါအဝင် သယံဇာတ တူးဖော်ရေးလုပ်ငန်းနယ်မြေများတွင် လေကြောင်း အန္တရာယ် အထူးသတိပြုရန် အရေးကြီးကြောင်း နေပြည်တော်တပ်သတင်းရင်းမြစ်က သတိပေးပြောဆိုကြောင်း သိရှိရသည်။

စစ်ကောင်စီက နိုင်ငံတော်အတွင်းရှိ ဒေသအချို့တွင် ဖြစ်ပေါ်လျက်ရှိသော တိုက်ခိုက်မှု့များ ၊ လက်နက်ကိုင်မှုများကို အခွင့်ကောင်းယူကာ နိုင်ငံပိုင် သယံဇာတပစ္စည်းများကို ထုတ်ယူနေကြပြီး လက်နက်ကိုင်များကို ထောက်ပံ့ခြင်းများကို လုပ်ဆောင်နေကြကြောင်း ၊ သယံဇာတပစ္စည်းများကို ထုတ်ယူကြရာတွင် ဒေသခံပြည်သူများကို ငွေကြေးဖြင့် ဆွဲဆောင်စည်းရုံးကာ အလုပ် လုပ်ကိုင်စေလျက်ရှိကြောင်း ၊ သယံဇာတပစ္စည်းများကို ထုတ်ယူနေကြခြင်းကို စီစစ်ဖော်ထုတ်၍ လိုအပ်သလို တိုက်ဖျက် ဆောင်ရွက်သွားမည်ဖြစ်ကြောင်း ၊ ပြည်သူများအနေဖြင့် အထူးသတိပြု ရှောင်ရှားကြရန် နှိုးဆော်ချက်ကို ယနေ့ ၎င်း၏ ဝါဒဖြန့် သတင်းစာများမှတစ်ဆင့် ထုတ်ပြန်ကြေညာထားကြောင်း သိရှိရသည်။

"ဒီကြေညာချက်အရရော လာမယ့် ဖေဖော်ဝါရီလ နှောင်းပိုင်း နဲ့ မတ်လအတွင်းမှာ လေကြောင်း တိုက်ခိုက်မှု့တွေ ပိုလုပ်ဖို့ ညွှန်ကြားချက်တွေရှိနေပါတယ်။ အဲဒါကြောင့် မိုးကုတ် နဲ့ ဖားကန့်လို နေရာမျိုးတွေ ၊ ပဲခူးရိုးမဘက်က သစ်ထုတ်လုပ်ရေးနယ်မြေတွေနဲ့ ရွှေတူးဖော်ရေးတွေလို သယံဇာတ တူးဖော်ရေးနယ်မြေတွေမှာ လေကြောင်းရန် အထူးသတိပြုဖို့လိုပါလိမ့်မယ်" ဟု နေပြည် တော် တပ်သတင်းရင်းမြစ်က ပြောဆိုကြောင်း သိရှိရသည်။

အကြမ်းဖက် စစ်ကောင်စီက ဒရုန်းအသုံးပြုမှု နှင့် ဒရုန်းသင်တန်းသားများကို တိုးချဲ့လာသည့်အပြင် လေကြာင်း တိုက်ခိုက်မှု့အတွင်း အသုံးပြုသော ဗုံးများမှာလည်း ယမ်းအားမြှင့်တင် အသုံးပြုလာကြောင်း ၊ ပေါက်ကွဲမှု့အား ပိုမိုပြင်းထန်သော ဗုံးများကို တိုးမြှင့် ထုတ်လုပ်နေသဖြင့် ဒရုန်းဖြင့် တိုက်ခိုက်ခံရခြင်း ၊ လေကြောင်း တိုက်ခိုက်ခြင်းများကြောင့် ပြည်သူများ အထိအခိုက် ပိုမိုများပြားနိုင်သဖြင့် အထူးသတိပြုရန် လိုအပ်ကြောင်း နေပြည်တော်တပ်သတင်းရင်းမြစ်က ဆိုသည်။

"ဒရုန်းနည်းပညာပိုင်းတွေလည်း ပိုကောင်းလာတယ်။ နောက်တစ်ခုကတော့ တိုက်လေယာဉ်မှာသုံးတဲ့ ဗုံးတွေကိုလည်း ပြည်တွင်းမှာပဲ ထုတ်လုပ်ပြီး ယမ်းအားမြှင့်ဗုံးတွေ တိုးထုတ်နေပါတယ်" ဟု နေပြည်တော်တပ်သတင်းရင်းမြစ်က ရှင်းလင်းပြောဆိုသည်။
#စစ်ရေးသတင်း #တော်လှန်ရေးအတွက်နောက်ဆုံးသတင်းများ #freedommedia #စစ်ကောင်စီ #pdf #စစ်ကောင်စီသတင်း #ဒရုန်း #လေကြောင်းအန္တရာယ် #ဗုံးကြဲတိုက်ခိုက် #ဖားကန့် #မိုးကုတ်