Скачать или смотреть ووتەکانی بابەشێخ حوسەینی لە رۆژی یەکشەم ٣ی رەشەمەی ١٤٠٤

«سپاسیش بۆ خانەخوێ، بۆ ماندووبوونیان دەستیان خۆش بێت. من پێویستە بزانم سپاسی دەستەی نوێنەری لایەنە سیاسییەکان بکەم، کە لە ماوەی ئەو هەشت مانگەیا بەڕاستی زۆر ماندوو بوون. بەپێی ئەو ڕاپۆرتانەی کە بۆ من هاتووەتەوە، زەحمەتی زۆریان کێشاوە. بەداخەوە کە ئێستا دوو لایەنی سیاسی لەناو... لەگەڵ خۆمان نابینم؛ کۆمەڵەی (سازمانی کوردستانی حیزبی کۆمۆنیستی ئێران) و کۆمەڵەی (شۆڕشگێڕی زەحمەتکێشانی کوردستانی ئێران). دیسانەوە پەیوەست ببنەوە بەم هاوپەیمانییە، و من پێشنیازیشم کرد کە بە جۆرێک لە جۆرەکان ناوەندی دیالۆگ هەر بەردەوام بێت. ئەگەر کاری ئێمە قورستر و گەورەتریشە، ناوەندی دیالۆگ بێگومان دەبێت هەبێت.

من بە نوێنەرایەتی سازمانی خەبات خۆشحاڵم لەم بۆنە پیرۆزەدا بەشدارم. بە باوەڕی من جەژنی ڕەمەزانیش نزیکە، بۆ ئەو خەڵکی کورد، ئەو بەشەی میللەتی کورد کە موسڵمانە جەژنێکی گەورە و مەزنە، و جەژنی نەورۆزیش هەر نزیکە. من پێم وایە ئەمەش جۆرێکە لەو جەژنانە کە دەبێت لە مێژووی خەباتی ڕزگاریخوازانەی گەلی کورددا تۆمار بکرێت.

من کە نوێنەری سازمانی خەباتم، دیارە نوێنەری دوو کەسایەتی ڕەوتی ئێمە... نوێنەری دوو کەسایەتی و شەخسییەتی نموونەیی کوردستان؛ مامۆستا شێخ عیزەدین و مامۆستا شێخ جەلال-ە، کە ئەوانیش هەمیشە پێداگرییان لەسەر برایەتی و یەکێتی و تەبایی بوو. کە هیوادارم ڕۆحی ئەو کۆچکردووانە، و ڕۆحی ڕێبەرە شەهیدەکان شاد بێت، کە ئەمڕۆ ئەو هیوایەیان هاتووەتە دی. بەتایبەتیش ئەو دوو مامۆستایە هەمیشە ڕێنوێنی و بانگەواز و هاندانیان ئەوە بوو کە کورد دەبێت یەک بێت. بە هەر جۆرە بیروباوەڕێک کە هەیە، بە هەر جۆرە فکرێک کە هەیەتی، هەموومان دەبێت کوردستانی بین و بۆ کوردستان تێبکۆشین.

گرنگترین کارە کە ڕامانگەیاندووە. بەڵام گرنگترنیشی ئەوەیە کە بە باشی بەردەوام بین. موسابیقە نەکەین لەوەی کە من کێم، یانی حیزبی گەورەیە، هێزی گەورەیە. کارەکەمان بۆ ئەوە بێت کە کوردستان ئیدارە بکەین لە داهاتوودا. خەڵک لەبەر سێبەری حیزبی سیاسی بحەسێتەوە، نەک خودای نەکردە پەشیمان بێتەوە بۆ ئەوەی کە وەزعییەتێکی ئاوای بەسەر بێت. بەداخەوە کە ئەگەر ڕۆژێکی ئاوا بێتەوە، کە دیومانە لە مێژووی جووڵانەوەی کوردی لە کوردستانی ئێراندا دیومانە کە هەندێک جار خەڵک نیگەران بووە لێمان، تووڕە بووە لێمان.

وە ئێمە کارێکی گەورەمان کردووە دیارە، بەڵام گەلی کورد زۆر دەمێکە پێمان دەڵێت کە دەبێت ئێوە کارێکی... ئەو کارە گەورەتان زووتر بکردایە. ئێستاش درەنگ نەبووە، جەوابی خەڵکی کوردستانمان داوەتەوە. دڵخۆشم کە میللەتەکەمان زۆر زۆر پێشکەوتوو و وریا و شارەزا و دڵسۆزن بۆ وڵاتەکەیان. ئەوەی کە ئەوان لە ئێمە خەمخۆرترن، ئەوە جێگای شانازییە. لە حیزبە سیاسییەکان لەپێشترن، جێگای شانازییە.

ئێمە دەبێت لە ئاست ئەو مەسئوولییەتە گەورە و مێژوویی و تاریخییە هەنگاو هەڵگرین. بەڕاستی لەسەرخۆ بین، هێمن بین، بە دروشمی زریقە و بریقەدار و بێکردەوە جەوکەمان... کۆڕەکەمان نەشێوێنین، و ئێمە هەوڵ بدەین بە عەمەلی باش، بە کاری باش، وە بە تەفاهومی تەواو ئەم کارەمان بەرینە پێشێ.

ئێستا یەک جەژنی گەورەمان هەیە، بەڵام جەژنی سەرکەوتن، جەژنی گەورە ئەو کاتەیە کە سەرکەوتوو بین و ئەم کارە گەورەمان بەردەوام بێت. من دیسانەوە سوپاسی هەمووتان دەکەم، دەستخۆشیتان لێدەکەم. ئینشائەڵڵا ئەو کارەمان سەرکەوتوو بێت. ئەوانەی کە بەڕۆژوون لە هەموو خەڵکی کوردستانیش، ئەوانەی کە بەڕۆژوون ڕۆژوو و تاعەتی هەموو لایەک قبووڵ بێت و هەر بژین و سوپاس بۆ ئامادەبوونی هەموو لایەکتان.»