ដើមក្រូចពោធិ៍សាត់អាចមានអាយុដល់៥០ឆ្នាំ និងអាចផ្លែដល់២ពាន់ផ្លែក្នុង១ដើម

ដើមក្រូច ពោធិ៍សាត់ ដែលកំពុងមានវត្តមាននៅក្នុងខេត្តពោធិ៍សាត់អាចមានអាយុជាមធ្យមដល់៥០ឆ្នាំអាស្រ័យលើដី ការថែទាំ និងពូជ។ ក្រូចមួយដើមអាចផ្តល់ទិន្នផលជាមធ្យមចំនួន៤០០ផ្លែក្នុងមួយឆ្នាំ។ តែដើមក្រូចដែលពិសេស និងល្អ អាចផ្តល់ផលដល់២ពាន់ផ្លែក្នុងមួយឆ្នាំ។

ក្រូចពោធិ៍សាត់ដែលគេពិសាសព្វថ្ងៃនេះ មានប្រវត្តិវែងឆ្ងាយ។ ប្រទេសកម្ពុជាស្ថិតនៅក្រោមអាណាព្យាបាលបារាំងពីចន្លោះឆ្នាំ១៨៦៣ដល់ឆ្នាំ១៩៥៣ ពោល គឺកម្ពុជា ស្ថិតនៅក្រោមអាណាព្យាបាលបារាំងរយៈពេល៩០ឆ្នាំ។ ដោយសារតែប្រវត្តិទំនាក់ទំនងជាមួយប្រទេសបារាំងដ៏យូរលង់នេះហើយ ទើបមានមតិខ្លះ លើកឡើងថា ក្រូចពោធិ៍សាត់ ដែលដាំនៅក្នុងខេត្តពោធិ៍សាត់រហូតមកដល់ពេលបច្ចុប្បន្ននេះ តាមពិត ត្រូវបាននាំយកមកដាំដោយជនជាតិបារាំងកាលពីជំនាន់នោះ។

ពូជក្រូចទាំងនោះ ត្រូវបានគេជឿថា បាននាំយកមកពីទ្វីបអាហ្វ្រិកដោយជនជាតិបារាំង។ ពេលនាំចូលមកភ្លាម ពូជក្រូចនោះ មិនទាន់មានឈ្មោះទេ។ ប៉ុន្តែ នៅពេលដែលក្រូចទាំងនោះ ត្រូវបានគេដាំនៅក្នុងខេត្តពោធិ៍សាត់ ពលរដ្ឋ ឬមន្ត្រីខ្មែរ ឬមន្ត្រីបារាំងនាជំនាន់នោះ នៅក្នុងខេត្តពោធិ៍សាត់ ក៏សន្មត់ដាក់ឈ្មោះថា ក្រូចពោធិ៍សាត់តែម្តងទៅ។ តែក៏មានមតិខ្លះទៀតលើកឡើងថា ក្រូចពោធិ៍សាត់ បច្ចុប្បនេះ មិនមែនកើតចេញតែពីពូជក្រូចបារាំងនាំមកប៉ុណ្ណោះទេ តាមពិត វាគឺជាការបង្កាត់ពូជរួមគ្នារវាងពូជក្រូចបារាំងនាំពីទ្វីបអាហ្រ្វិកមក និងពូជក្រូចនៃប្រទេសជប៉ុន៕

ដើម្បីទទួលបានព័ត៌មានទាក់ទងនឹងវិស័យកសិកម្ម, ផលិតផលអត្តសញ្ញាណ, ជំនួញខ្នាតតូច និងមធ្យម, បរិស្ថាន និងទេសចរណ៍ សូមចុច Download App «ថ្មីៗ២៥ រាជធានី-ខេត្ត» សម្រាប់ប្រព័ន្ធ IOS: https://apple.co/2ub9pdj និង Android: http://bit.ly/2KSe1MB ។ ការផ្សព្វផ្សាយព័ត៌មានទាំងនេះ ក៏មាននៅលើទំព័រហ្វេសប៊ុក Thmey Thmey 25 និង YouTube Channel: https://goo.gl/D6xQBv ៕
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey