《聲夢傳奇2》決賽激鬥 Jasmine分毫之差險勝Janees封后

《聲夢傳奇2》決賽激鬥 Jasmine分毫之差險勝Janees封后

歷時近半年嘅歌唱選秀節目《聲夢傳奇2》，10月2號晚舉行決賽，喺25位專業評審同觀眾嘅票選下，最終由16歲嘅Jasmine任暟晴成為今屆傳奇新星，稍後兩位總監Eric Kwok同Hanjin陳奐仁仲會親手為佢打造出道歌曲。

喺最後回合，Janees黃洛妍同Jasmine均以快歌對戰，當中Jasmine以《瘋了》迎戰Janees嘅《Bad Boy》，一向表演平穩嘅Janees，可能因為太緊張嘅關係表現稍有失準，結果令Jasmine僅以些微之差勝出比賽。

喺網上投票一直高踞頭三位嘅人氣王Jasmine，第一回合選唱張學友嘅《我等到花兒也謝了》，評分時唔少評判到對佢嘅演繹一致好評，而決賽回合選擇唱跳《瘋了》嘅佢，更加係令評判眼前一亮，就連Eric Kwok都大讚話估唔到Jasmine平時收收埋埋，喺決賽先一次過騷晒畀大家睇，令到連身為總監嘅佢都嚇親。

因為唱功技巧卓越被網民稱為「黃老師」嘅Janees打頭陣出場，演唱張惠妹嘅《聽海》，已經展現實力一面，仲被JW大讚佢演繹好似拉小提琴一樣咁出色，不過可惜喺《Bad Boy》時表現田口略為拘謹，最後屈居亞軍。

至於一直被封為聲夢大魔王嘅Sabrina趙紫諾，就使出佢看家本領，自彈自唱演繹范曉萱既《我要我們在一起》，Sabrina完全輕鬆駕馭，更以22盞綠燈喺第一回合成為全場最高之一
可惜最終以19.53%得分位居季軍。

而Pamela趙小婷同XIX分別以《味道》同《@princejoyce》出賽，而佢哋亦獲大會頒發優秀表現獎。至於自10强學員中選出嘅超越進步獎，就分別由Sean文佐匡同Angel劉詠彤獲得嘉許。


#TVB #娛樂新聞 #TVB娛樂新聞台 #聲夢傳奇2 #聲夢2 #決賽 #冠軍 #任暟晴 #亞軍 #黃洛妍 #季軍 #趙紫諾 #優秀表現獎 #趙小婷 #XiX #超越進步獎 #文佐匡 #劉詠彤

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0