ពលរដ្ឋ ធ្វើបុណ្យឧទ្ទិសកុសលដល់ព្រលឹងដូនតា ដែលបានចូលរួមសង់ទំនប់៧៨

ពលរដ្ឋ ធ្វើបុណ្យឧទ្ទិសកុសលដល់ព្រលឹងដូនតា ដែលបានចូលរួមសង់ទំនប់៧៨
==========

សៀមរាប៖ នាដើមខែវិច្ឆិកាកន្លងទៅ ពលរដ្ឋសង្កាត់ស្វាយដង្គំ ដែលអាស្រ័យផលពីទំនប់៧៨ បាននាំគ្នាធ្វើបុណ្យឧទ្ទិសកុសលដល់ព្រលឹងដូនតាដែលបានចូលរួមសង់ទំនប់នេះនៅឆ្នាំ១៩៧៨ ក្នុងរបបកម្ពុជាប្រជាធិបតេយ្យ។

លោក យ៉ាំ វី ជាចាស់ទុំមួយរូប ដែលដឹកនាំពលរដ្ឋធ្វើបុណ្យឧទ្ទិសកុសលនេះ បានឱ្យដឹងថា ទំនប់៧៨ កសាងក្នុងសម័យប៉ុល ពត ហើយរូបលោកផ្ទាល់ ក៏បានចូលរួមសង់ដែរ។ លោក យ៉ាំវី បន្តថា ទាំងអតីត និងបច្ចុប្បន្នទំនប់៧៨ បានផ្តល់អត្ថប្រយោជន៍ជាច្រើនដល់ពលរដ្ឋដែលរស់នៅក្នុងសង្កាត់ស្វាយដង្គំផ្ទាល់ និងពលរដ្ឋនៅតំបន់ជុំវិញទំនប់នេះ។ អាស្រ័យផល និងប្រកបរបរនានាចិញ្ចឹមជីវិត។ លើសពីទំនប់ទប់ទឹកសម្រាប់ធ្វើស្រែប្រាំង ទំនប់៧៨ ក៏ជាឃ្លាំងទឹកដែលពលរដ្ឋអាចមកនេសាទត្រី ដកព្រលឹត បេះត្រកួន រើសខ្យងជាដើម។ ដោយសារការដឹងគុណដល់ព្រលឹងដូនតា ដែលបានចូលរួមសង់ទំនប់៧៨ ទើបលោក យ៉ាំ វី និងពលរដ្ឋឯទៀត នាំគ្នាធ្វើបុណ្យ ឧទ្ទិសកុសលដល់បុព្វការីជនទាំងនោះ។

ក្រៅពីនេះ ពលរដ្ឋក៏បានរៀបចំការប្រណាំងទូកស្មាច់ ដើម្បីញ៉ាំងបរិយាកាស ឱ្យកាន់តែអធិកអធម រីករាយ និងដើម្បីឱ្យក្មេងៗជំនាន់ក្រោយ ស្គាល់កាន់តែច្បាស់ពីទំនប់៧៨ និងឱ្យពួកគាត់ចូលរួមថែរក្សាទំនប់នេះ ឱ្យនៅគង់វង្សយូរអង្វែង៕

ផលិតដោយសារព័ត៌មានឌីជីថលថ្មីៗ
វីដេអូ៖ ថោង ប្រណី

សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប!

ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn

ThmeyThmey Social Media:
Youtube: https://bit.ly/2RNzknr
Instagram: https://bit.ly/32QSFup
Twitter: https://bit.ly/3iTsTuS
Web: https://bit.ly/3hPEU3q
Facebook: https://bit.ly/2FGyvKY
Threads: https://bit.ly/44q1UPl

© All Rights Reserved & Copyrights by Thmey Thmey Digital Media (thmeythmey.com)

#thmeythmey
#thmeythmeynews
#cambodianess
#thmeythmey25
#trending
#cambodia
#ថ្មីៗ