Скачать или смотреть ရှမ်းပြည်နယ်အစိုးရအဖွဲ့၏ လုပ်ငန်းဆောင်ရွက်ချက် သတင်းစာ ရှင်းလင်းပွဲ ပြုလုပ်မည်

ရှမ်းပြည်နယ်အစိုးရအဖွဲ့ရဲ့ ပြည်သူ့အတွက် စတုတ္ထ တစ်နှစ်တာ လုပ်ငန်းဆောင်ရွက်ချက်တွေနဲ့ စပ်လျဉ်းတဲ့ သတင်းစာ ရှင်းလင်းပွဲကို မြို့တော်တောင်ကြီးမှာ ကျင်းပ ပြုလုပ်သွားဖို့ ရှိနေပြီး ပြုလုပ်မယ့် နေ့ရက်နဲ့ နေရာကိုတော့ အတိအကျ သတ်မှတ်ဖို့ ဆွေးနွေးသွားမယ်လို့ သိရပါတယ်။
.
စတုတ္ထ တစ်နှစ်တာ သတင်းစာ ရှင်းလင်းပွဲလုပ်မှာ ဖြစ်ပြီး ပြည်သူ့အတွက် တစ်နှစ်စာ ဆောင်ရွက်ခဲ့တဲ့ အခြေအနေကို ပြီးခဲ့တဲ့ နှစ်က လုပ်ဆောင်ခဲ့သလို အခု ၄ နှစ်ပြည့်မှာလည်း လုပ်ဆောင်မှာ ဖြစ်တယ်လို့ ရှမ်းပြည်နယ်ဝန်ကြီးချုပ် ဒေါက်တာလင်းထွဋ်က ပြောဆိုခဲ့တာပါ။
.
ပြီးခဲ့တဲ့ ၂၀၁၉ ခုနှစ်၊ ဇွန်လ ၁၄ ရက်က ရှမ်းပြည်နယ်အစိုးရအဖွဲ့ရဲ့ တတိယ တစ်နှစ်တာ လုပ်ငန်းဆောင်ရွက်ချက် သတင်းစာရှင်းလင်းပွဲကို တောင်ကြီးမြို့၊ မြို့တော်ခန်းမမှာ ပြုလုပ်ခဲ့ပြီး အခမ်းအနားမှာ သတင်းဌာန တစ်ခုကို မေးခွန်း ၃ ခု စီ မေးမြန်းခွင့် ပြုခဲ့ပါတယ်။
.
ဒါ့အပြင် ကမ္ဘာတစ်ဝှမ်းမှာ ဖြစ်ပွားနေတဲ့ အသက်ရှူလမ်းကြောင်းဆိုင်ရာ ရောဂါ (COVID-19) ကူးစက်ခံရမှု မရှိစေဖို့အတွက် လူစုလူဝေးနဲ့ ပွဲလမ်းသဘင်တွေကို ဖျက်သိမ်းဖို့နဲ့ တတ်နိုင်သလောက် ရှောင်ရှားသွားဖို့ကို ပြီးခဲ့တဲ့ မတ်လ ၂ ရက်က ရှမ်းပြည်နယ် အစိုးရအဖွဲ့က အသိပေးအကြောင်းကြားစာ ထုတ်ပြန်ထားတာ ဖြစ်လို့ သတင်းစာ ရှင်းလင်းပွဲ ပြုလုပ်မယ့် အခြေအနေဟာ COVID-19 ရောဂါပိုး ကူးစက်ပျံ့နှံ့မှု ရှိ/မရှိ အပေါ်မှာလည်း မူတည်တယ်လို့ ဆိုပါတယ်။
.
လက်ရှိ ရှမ်းပြည်နယ် အစိုးရအဖွဲ့ဟာ ၂၀၁၆ ခုနှစ်၊ ဧပြီလ ၁ ရက်က စတင် တာဝန်ယူ ဆောင်ရွက်နေတာ ဖြစ်ပြီး လာမယ့် ဧပြီလ ၁ ရက်မှာ အစိုးရ သက်တမ်း ၄ နှစ် ပြည့်မြောက်မှာ ဖြစ်ပါတယ်။ ရှမ်းပြည်နယ်အစိုးရအဖွဲ့ကို ပြည်နယ်ဝန်ကြီးချုပ် အပါအဝင် ဌာနဝန်ကြီး ၈ ဦး၊ တိုင်းရင်းသားလူမျိုးရေးရာဝန်ကြီး ၇ ဦး၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်တို့နဲ့ ဖွဲ့စည်းထားတာ ဖြစ်ပါတယ်။
.
#KBZTai #Shan #Broadcasting