Скачать или смотреть Dokumentar kushtuar Sheh Myhedinit, që u vra bashkë me qindra civilë në Rahovec prej 19 - 21 korrik

Filmi dokumentar "Besimi në Zot i ndihmoi" i kushtohet njërit prej figurave kryesore të Ana Drinisë, prijësit fetar të kësaj treve Sheh Myhedinit nga Rahoveci. Sheh Myhedini ishte personalitet me autoritet të lartë, jo vetëm në Rahovec e Ana Drini, por edhe në të gjitha trojet etnike shqipatre. Ishte personalitet i korrektësisë dhe humanizmit. Mu për këtë Sheh Myhedini gëzonte besimin e popullit.
Gjatë luftës në Kosovë Sheh Myhedini me tërë familjen e tij e mbështeti Ushtrinë Çlirimtare të Kosovës me të gjitha mënyrat, sidomos me mjete financiare dhe ushqim. Duker pasur besim të madh në të, qytetarët e Rahovecit kërkuan strehim dhe shpëtim te sheh Myhedini, i cili u doli në mbrojtje me të gjitha mundësitë që kishte.
Më 19 korrik të vitit 1998 në Teqenë e madhe u strehuan shumë civilë nga Rahoveci. Më 21 korrik 1998 forcat ushtarake dhe policore serbe hynë në Teqen e madhe dhe morën të gjithë të strehuarit në këtë tempull fetar, bashkë me ta edhe Sheh Myhedinin. Me këtë rast, Sheh Myhedini kundërshtoi veprimet e forcave serbe, por këtë e pagoi me kokë bashkë me qytetarët e tjerë, pleq, gra e fëmijë , duke u ekzekutuar në mënyrën më barbare.
Vrasja e prijësit fetar dhe atdhetarit Sheh Myhedinit jehoi dhembshëm në Ana Drini dhe mbarë Kosovën.
Ai mbetet figurë kalosale e atdhetarizmit shqiptar në Rahovec dhe në mbarë kombin shqiptar.
Sheh Myhedini është me dekretin e Presidentit të Republikës së Kosovës Hashim Thaçit është shpallë Hero i Kosovës.