حفل زواج : راكان بن راشد ال مسعود 🔥 اداء : جفران بن هضبان 🔥 كلمات : محمد ال سلعان 🔥🔥🔥

.
.
.

تعن الهجوس اللي لها بالضمير ارصاد
معن الخيول اللي لها فالوغاا صوله

وانا للملمه والمهمه على استعداد
اخسر جولةً وحده وافوز بمية جوله

بشر والبشر لو ماهو بـ للخطا معتاد
لابده يزل ودورة الوقت مجهوله

وانا في لزوم عيال عمي وريث شداد
ادق الصدر واقوم والعذر وشهو له

هلا مرحبا في محفل مدلهة الاجوااد
يقولونه اهل الجيد والعرف واقوله

ياراكان ابن راشد الى جا الكلاام الجاد
تزهاك البيوت اللي على الحق مجبوله

عسى طول عمرك يالسنافي فرح واعياد
مساعيك مشكوره والاعمال مقبوله

صحيبً يعاود صاحبه طيبه المعتاد
طليق الحجاج وله وقوفً على اصوله

ولد شايبً ذكره مع اهل الوفاا ينعااد
ولو مات يبقى ذكره العطر وفعوله

خلف سربةً تامن بهم شيفة الاورااد
بدارً من العربان ماهيب مدهوله

ال مسعود عزوه يوم عاد الحياة اجهاد
لهم موقفً في ساعة الحرب ياهوله

هل الخيل لامنه غدا للخيوول طراااد
وهل البيرق المنشور والعز والطوله

من ربوعي ال ضرفاس زودً على من زاد
رجالً ترووس اعتى المواقيف فالدوله

وقبل الدول ترسم لهم دولةً وبلاااد
وزا في ذراهم كل من ثقلت حموله

ياكم هيةً رفرف سعدها على الاشهاد
حن النصر والافعال ماهيب مجهوله

من روس ال بحيح اللي خذو ذروة الامجاد
يداعابنا للحرب لادقت طبوله

اهل خير دام ان الامن فالشريعه ساد
واهل شر وايدين الشياطين مغلوله