Скачать или смотреть 🔻🟣Suspenden o pleno para non escoitar ás traballadoras do SAF

🔻🟣 As traballadoras do SAF obrigan a Nava Castro e ao goberno da dereita a abandonar o salón de plenos.

Hoxe no pleno do Concello de Ponteareas produciuse unha situación que exemplifica á perfección o afastamento do actual goberno das demandas sociais máis urxentes.

As traballadoras do Servizo de Axuda no Fogar (SAF), en folga indefinida pola súa situación laboral límite, acudiron ao pleno porque na orde do día figuraba un punto sobre o seu conflito. Para non ter que agardar horas ata que se tratase, solicitaron que se adiantase este punto e poder ser escoitadas con dignidade.

A resposta do goberno municipal foi a mesma que vén ofrecendo desde o inicio deste conflito: faltas de respecto e indiferencia. Negáronse a modificar a orde do pleno e, cando as traballadoras esixiron ser atendidas, decidiron abandonar a sala plenaria, deixando plantados non só ás propias afectadas, senón a toda a veciñanza que estaba a seguir o pleno.

O sucedido é de enorme gravidade: diante dun colectivo de mulleres que loitan polos seus dereitos, a prioridade do tripartito de dereitas foi fuxir do debate democrático, evidenciando unha vez máis o seu desprezo polas demandas sociais e pola propia institución que representan.

Desde Ponteareas en Común denunciamos estas prácticas antidemocráticas e reiteramos o noso apoio incondicional ás traballadoras do SAF. A súa loita é a loita de toda a clase traballadora, un exemplo de como a organización social disidente, colectiva e combativa, é a única ferramenta real para conquistar dereitos proletarios fronte a quen pretende perpetuar a precariedade. Non hai dignidade institucional sen dignidade laboral.