Скачать или смотреть PERUVANAM TEMPLE l Peruvanam Kuttan Marar l Bharatham Entertainments

പരശുരാമൻ സൃഷ്ടിച്ച കേരളത്തിലെ പ്രാചീന ഗ്രാമങ്ങളിൽ ശ്രദ്ധേയമാണ് പെരുവനം. ഇരട്ടയപ്പൻ്റെ പ്രതിഷ്ഠ കൊണ്ട് ശ്രദ്ധേയമായ പെരുവനം ക്ഷേത്രത്തിൻ്റെ സാന്നിധ്യം കൊണ്ട് പാവനമായ ഈ ഗ്രാമത്തിൻ്റെ സുരക്ഷ 4 ദിശകളിലായി സ്ഥിതി ചെയ്യുന്ന ശാസ്താ ക്ഷേത്രങ്ങളാണ് .
തൃശൂർ ജില്ലയിൽ സ്ഥിതിചെയ്യുന്ന അകമല, കുതിരാൻമുടി, എടത്തിരുത്തി, ഊഴത്തു കടവ് എന്നി പേരുകളിൽ അറിയപ്പെടുന്ന ശാസ്താ ക്ഷേത്രങ്ങളെ പെരുവനം ഗ്രാമത്തിലെ ചതുർധാമങ്ങൾ എന്നു വിശേഷിപ്പിക്കാം.
ഭരതം Entertainments ഈ മണ്ഡലക്കാലത്തു നടത്തിയ മണ്ഡലകാല നാലമ്പല തീർത്ഥയാത്രയാണ് നിങ്ങൾക്കു മുൻപിൽ അവതരിപ്പിക്കുന്നത്.
1. ഉഴുവത്തുകടവ് ശാസ്താ ക്ഷേത്രം സ്ഥിതി ചെയ്യുന്നത് കൊടുങ്ങല്ലൂർ ഭഗവതി ക്ഷേത്രത്തിന് ഒന്നര കിലോമീറ്റർ തെക്കുപടിഞ്ഞാറെ ദിശയിൽ ആണ്. ചതുർ ശാസ്ത സങ്കല്പത്തിൽ ബാലശാസ്താവാണ് ഈ ക്ഷേത്രത്തിൽ ഉപാസിക്കപ്പെടുന്നത്.
എല്ലാ ശനിയാഴ്ചകളിലും ഭക്തജനങ്ങൾ ദർശനം നടത്തുന്ന ഈ ക്ഷേത്രത്തിൽ ശനിദോഷ നിവാരണം സാധ്യമാകുമെന്നാണ് വിശ്വാസം'
2. എടത്തിരുത്തി അയ്യപ്പൻകാവ്
കാട്ടുരിൽ നിന്നും എടമുട്ടത്തേക്ക് വരുന്ന വഴിയിൽ രണ്ടര കിലോമീറ്റർ യാത്ര ചെയ്ത് വലത്തോട്ട് തിരിഞ്ഞ് അര കിലോമീറ്റർ ഗ്രാമ പാതയിലൂടെ പോയാൽ ക്ഷേത്രത്തിലെത്താം.
ശിവൻ്റെ ഇടതുഭാഗത്തായി ഭഗവാന് അഭിമുഖമായി ബാലശാസ്താവ് ഭക്തർക്ക് അനുഗ്രഹം ചൊരിഞ്ഞു കൊണ്ടിരിക്കുന്നു. കൈകളിൽ പുലിക്കുട്ടികളെ എടുത്തുകളിച്ചുകൊണ്ടിരിക്കുന്ന പീ0 ത്തിൽ ഇരിക്കുന്ന ശാസ്താവിനെ ഭജിച്ചാൽ ശനിദോഷമകലും എന്നാണ് വിശ്വാസം.ശനിയാഴ്ചകളിലും ഉത്രം നാളിലുമാണ് ക്ഷേത്ര ദർശനത്തിന് യോജിച്ച ദിവസങ്ങൾ
3. അകമല ശാസ്ത ക്ഷേത്രം
വടക്കാഞ്ചേരിയിൽനിന്നും ചെറുതുരുത്തിയിലേക്കു പോകുന്ന വഴിയിലാണ് ക്ഷേത്രം സ്ഥിതി ചെയ്യുന്നത്.പ്രസിദ്ധമായ ഉത്രാളിക്കാവ് ക്ഷേത്രത്തിൽ നിന്നും ഏകദേശം 4 കിലോമീറ്റർ കഴിഞ്ഞാൽ റോഡിന് ഇടതുഭാഗത്തായി ക്ഷേത്രം കാണാം. ആദ്യകാലത്ത് റോഡിനു തൊട്ടരികെ വഴി യാത്രകാർക്ക് പേടി മാറി കിട്ടുന്ന വിളക്കും തിരിയും മാത്രമുണ്ടായിരുന്ന ക്ഷേത്രം കഴിഞ്ഞ കാൽനൂറ്റാണ്ടായി ആയിരക്കണക്കിന് ജനങ്ങളെ ആകർഷിക്കുന്ന ക്ഷേത്രമായി മാറിയത് രാഘവൻ മാഷുടെ നേതൃത്വത്തിലുള്ള കമ്മിറ്റിയുടെ ഫലമായാണ്.
4. കുതിരാൻമുടി അയ്യപ്പക്ഷേത്രം
പ്രസിദ്ധമായ കതിരാൻ മലയുടെ കയറ്റത്തിലാണ് ഈ ക്ഷേത്രം സ്ഥിതി ചെയ്യുന്നത്. യാത്രക്കാർക്ക് സംരക്ഷണം നൽകുന്ന ഈ ക്ഷേത്രത്തിൻ്റെ പ്രത്യേകത അതിൻ്റെ സ്ഥാനമാണ്.മലമുകളിൽ ഒരു അയ്യപ്പൻകാവ് .അശ്വാരൂഢനായി രക്ഷകഭാവത്തിൽ, ക്ഷേത്രത്തിൽ തന്നെ സരസ്വതി ദേവിയുടെയും മാളികപ്പുറത്തമ്മയുടെയും സാന്നിധ്യം' ശ്രീകോവിലിനു പുറത്ത് നാഗങ്ങൾ, നാഗഭൂഷണൻ,ഗോസായി സ്വാമി എന്ന പേരിലുള്ള സ്വാമിയാരുടെ സാന്നിധ്യം'
ഈ 4 ക്ഷേത്രങ്ങളിൽ ഒരു ദിവസം തന്നെ തൊഴുന്നത് ശുഭദായകവും ശനിദോഷമോക്ഷ കരവുമാണ്.