電影泉攻略｜災難片《焚城》佔據香港電影榜首 莫文蔚群戲演出感受張力丨EP128

電影泉攻略｜災難片《焚城》佔據香港電影榜首 莫文蔚群戲演出感受張力丨EP128

由王鎮泉主持嘅TVB娛樂新聞台節目《電影泉攻略》今個星期為大家帶嚟嘅《影人Talk》邀請新戲《焚城》其中兩位演員莫文蔚（Karen）同王菀之（Ivana）分享拍攝嘅點滴，雖然兩人喺戲中唔使走喺前線進入災場救火，但面對災難背後，飾演財政司司長嘅Karen及財政司司長政務助理嘅Ivana都要聯同不同部門拆解箇中問題。

Ivana好想試吓真正孭上一身消防員全副裝備，感受喺視野唔清嘅情況下拍攝，佢對消防員有崇高敬意。Karen講到兩人喺會議室拍攝時，一大班人嘅群戲場面緊張，全場嘅演員都好有能量，個個都好有戲。而Ivana好多時都會喺一個地下室拍攝，有如置身裝置藝術中，所以一有空閒時佢都會四圍欣賞。

Karen曾飾演過嘅火雞姐同Ivana飾演嘅吳璐，都係一代經典角色，至今令人難忘。講起火雞姐時，Karen即好有共鳴，至今不時喺街上啲人見到佢都會唱情與義，笑言可能買牛丸唔使畀錢。而Ivana仲記得當年吳璐棚哨牙，同埋半鹹淡東話一句對白「加錢就可以」，講起呢啲破格演出，令人回味無窮。

本周電影新片速遞有《Red One 拯救隊》由The ROCK Dwayne Johnson同美國隊長聯手主演，講述喺代號為「紅色一號」嘅聖誕老人被綁架後，北極安全主管必須同世界上最犀利最麻煩嘅賞金獵人攜手合作，試圖搵返失蹤嘅聖誕老人，從而展開一場環球行動，希望可以及時拯救聖誕節。

《破‧地獄》講述喺疫情肆虐生意蕭條嘅背景下，婚禮策劃師道生被迫改行成為一名葬禮經紀人。起初因理念不合，佢同喃嘸師傅文哥產生好多衝突，因為面對一位特殊嘅逝者文哥嘅出手相助、親歷文哥同女兒文玥相處嘅點滴，慢慢改變咗道生對職業同生活嘅態度。

而截至11月6號中午，香港票房龍虎榜第三位《完美物質》、第二位《毒魔：終極一舞》、第一位係劉德華、莫文蔚等主演嘅《焚城》。

#電影泉攻略 #王鎮泉 #莫文蔚 #王菀之 #消防員 #火雞姐 #吳璐 #焚城 #RedOne拯救隊 #DwayneJohnson #美國隊長 #基斯伊雲 #聖誕老人 #破地獄 #許冠文 #黃子華 #衛詩雅 #劉德華 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0