Скачать или смотреть វប្បធម៌រលត់ជាតិរលាយ - មឿណាន់ទី ២, នាងផ្ទំ ឬ មេឡុង - យីកេ | យ៉ាន់ បូរិន្ទ និង សិស្សសាលាមធ្យមសិល្បៈ

ឆាក និង ចម្រៀង ៖ វប្បធម៌រលត់ជាតិរលាយ
រៀបរៀងដោយសាស្រ្តាចារ្យ ៖ យ៉ាន់ បូរិន្ទ , ច្រៀង និង សម្តែងដោយ ៖ សិស្សសាលាមធ្យមវិចិត្រសិល្បៈ ឆ្នាំ ១៩៨៦ -១៩៨៧

ផ្សព្វផ្សាយដោយ ៖ ទូរទស្សន៍ជាតិកម្ពុជា ទទក ក្នុងកិច្ចសម្ភាសន៍ស្តីអំពី ចម្រៀង និង ក្បាច់រាំយីកេ

ពោល ៖

ជីកគាស់កេរខ្មែរឥតអៀនខ្មាស ត្រេកត្រអាលណាស់នឹងលុយគេ
ស៊ីឆ្អែតប៉ោងពោះរស់ទំនេរ អញមិនគិតទេជាតិអន្តរាយ
ឱ្យតែអញឆ្អែតៗ ស្កប់ស្កល់ ផុតពីកង្វល់អ្វីទាំងឡាយ
ជាតិសូន្យៗ ចុះអញមិនស្តាយ ស្តាយតែអញឆ្ងាញ់មិនស្កប់
តើអ្នកដែលរស់ងោះជាអ្វី បើដៃអប្រិយមានម្រាមដប់
គាស់កាយវប្បធម៌ជាតិទៅកប់ កប់ទាំងជីវិតកូនចៅឯង
អ្នករស់បានឈ្មោះថាក្បត់ជាតិ ពីររយឆ្នាំទៀតជាតិចំបែង
កូនចៅញាតិផៅយំក្ដែងៗ ដីឯងឯងផ្ញើខ្លួននឹងគេ ។

កំណាព្យ

បទ ៖ ពាក្យប្រាំពីរ , សូត្របែប ៖ ទំនួញព្រះនាងសិរីមហាមាយា

អនិច្ចាសិលាដួលបែកបាក់ ស្នាដៃអបលក្ខណ៍ជនអប្រិយ
ជីកគាស់រម្លើងគ្មានប្រណី សោកស្តាយស្នាដៃបុព្វបុរសខ្មែរ ។

ខំសាងខំថែរាប់តំណរ រក្សាបន្តទុកជាកេរ
តំណាងព្រលឹងនៃជាតិខ្មែរ ឥឡូវថ្មប្រែដួលបែកបាក់ ។

សំឡេងនៃភ្លេង បទ ៖ បួងសួង , ទម្រង់ ៖ យីកេ

ពោល ៖

សូមឱ្យដួងវិញ្ញាណក្ខន្ធបុព្វបុរស ស្នេហាវប្បធម៌ជាតិទាំងឡាយ
សណ្ឋិតលើផ្ទាំងសិលានេះ ឱ្យមានជីវិតរស់ឡើង
ដើម្បីនិយាយប្រាប់ខ្មែរទាំងអស់ អំពីតម្លៃនៃសិល្បៈវប្បធម៌ជាតិ
ដែលកំពុងរងគ្រោះកណ្តាលព្យុះព្យោមា នៃសង្គ្រាមវប្បធម៌បរទេស ។

បទ ៖ មឿណាន់ទី ២ ឬ លុតលើកហត្ថា

លើកហត្ថប្រណម្យ អឺៗ អឺងអឺយ ហាអឺអឺងអឺយ បង្គំថ្វាត់ថ្វាយ អឺអឺងអឺយ ហាអឺអឺយ អស់លោក អឺងអឺយ ទាំងឡាយ អឺៗ អឺងអឺយ មានឫទ្ធិ ហាអឺយរ៉ា អឺយបារមី អឺៗៗ អឺងអឺយ ប្រោះព្រំនិស្ស័យ អឺៗ អឺងអឺយ ហាអឺអឺងអឺយ សិលាក្រៀមក្រំ ។

បង្កើតវិញ្ញាណ អឺៗ អឺងអឺយ ហាអឺអឺងអឺយ ថ្មនេះឱ្យរស់ អឺអឺងអឺយ ហាអឺអឺយ ប្រាប់ខ្មែរ អឺងអឺយ ទាំងអស់ អឺៗ អឺងអឺយ ត្រូវស្តាយ ហាអឺយរ៉ា អឺយ ស្រណោះ អឺៗៗ អឺងអឺយ កេតនភណ្ឌជាតិ អឺៗ អឺងអឺយ ហាអឺអឺងអឺយ ណងអឺយថ្លៃអឺយ ។

សំឡេងនៃភ្លេង បទ ៖ ខ្លងយោល ឬ ស្គរយោល ២ ជាន់ , ទម្រង់ ៖ មហោរី

ពោល ៖ ដោយអនុភាពនៃការបួសសួងរបស់យើងខ្ញុំទាំងអស់គ្នា សូមឱ្យចម្លាក់នេះមានជីវិត រស់ឡើង ៗៗ ដើម្បីនិយាយប្រាប់ខ្មែរទាំងអស់ អំពីតម្លៃនៃសិល្បៈវប្បធម៌ជាតិ ដែលកំពុងរងគ្រោះកណ្តាលព្យុះព្យោមា នៃសង្គ្រាមវប្បធម៌បរទេស ។

បន្ទរ ៖ រស់ហើយ ៗៗ

ចំណងជើង ៖ វប្បធម៌រលត់ជាតិរលាយ
បទ ៖ នាងផ្ទំ ឬ មេឡុង , ទម្រង់ ៖ យីកេ , ច្រៀងដោយ ៖ សិស្សសាលាមធ្យមសិល្បៈ

វប្បធម៌រលត់ជាតិរលាយ វប្បធម៌ប្រេះធ្លាយជាតិអាប់ឈ្មោះ វប្បធម៌គង់វង្សអើយជាតិថ្កើនយស វប្បធម៌ជាតិរស់នោះជាតិសុខសាន្ត ។

បណ្តាំសូមផ្តាំអស់ខេមរា ជួយពិចារណាគ្រប់ៗប្រាណ យើងខ្ញុំចារចែងអើយថ្លែងពុំស្មាន ពាក្យពោលពិតមាននៅក្នុងតម្រា ។

បិទភ្នែកស្រមៃស្នាដៃចាស់ បុព្វប្រឹងណាស់ ជូនជាតិខេមរា វិមានស្កឹមស្កៃអើយថ្លៃអស្ចារ្យ រចនាប្រណីតថ្វីត្បិតស្នេហ៍ជាតិ ។

កូនចៅជំនាន់ក្រោយអើយ គឺអ្នកនេះហើយចាំកុំឃ្លាត ជាម្ចាស់វាសនាប្រទេសជាតិ ជាតិរស់ព្រោះអ្នកអើយអ្នកការពារ ៕


#senghongchoeng
#ចម្រៀងយីកេ
#khmer_traditional_song