Скачать или смотреть କୁଦମାନସିଂ ଚଡ଼କ ମେଳା ।। DK BALIAPAL VLOG ।।

ରାଜ୍ୟର ଦ୍ବିତୀୟ ସର୍ବ ବୃହତ ମେଳା ଭାବେ ପରିଗଣିତ ପୂର୍ବ ଭାରତର ପ୍ରସିଦ୍ଧ ଚନ୍ଦନେଶ୍ଵର ଚଡ଼କ ମେଳା ସୋମବାର ଠାରୁ ଆରମ୍ଭ ହେଉଛି। ହରପାର୍ବତୀ ଚଳନ୍ତି ପ୍ରତିଭୂ କୁହାଯାଉଥିବା ଦୁଇ ଥମ୍ବି କାଠ ରବିବାର ବିଶାଳ ପଟୁଆରରେ ମନ୍ଦିରକୁ ଅଣାଯାଇଛି। ମନ୍ଦିର ପରିକ୍ରମା ପରେ କାଠ ଦୁଇଟିକୁ ନୀଳ ପୁଷ୍କରିଣୀ କୂଳରେ ରଖାଯାଇଛି।  ସୋମବାର ପର୍ବର  ୧୧ ଅର୍ଘ୍ୟରେ ପାଟଭକ୍ତ ଓ ଦେଉଳିଆ ମାନେ ଉପବୀତ ଧାରଣ କରିବା ସହ ଧ୍ବଜ ବାଉଁଶ ଛେଦନ କରାଯିବ। ଚନ୍ଦନେଶ୍ଵର ଚଡକ ମେଳା ପାଇଁ ସବୁଠି ଚଳ ଚଞ୍ଚଳ। ଏହି ମେଳାର ଅନ୍ୟତମ ଆକର୍ଷଣ ୨ଟି ଥମ୍ବି କାଠ ଚଳିତ ବର୍ଷ ନୂତନ ହେବ। ମହାଦେବଙ୍କ ଠାରୁ ଆଜ୍ଞାମାଳ ନେଇ ସେବାୟତ ମାନେ ଏହି କାଠ ଚିହ୍ନଟ ପରେ ଆଜି ମନ୍ଦିରକୁ ଆସିଥିଲା। ଜଳେଶ୍ବରରୁ କାଠ ଦୁଇଟି ଚନ୍ଦନେଶ୍ଵର ପେଟ୍ରୋଲ ପମ୍ପ ଠାରେ ପହଞ୍ଚିବା ପରେ ଏକ ଶୋଭାଯାତ୍ରାରେ ମନ୍ଦିର ପର୍ଯନ୍ତ ନିଆଯାଇ ଥିଲା । ମହିଳା ମାନେ ଶଙ୍ଖ ଧ୍ବନି କରୁଥିବା ବେଳେ ବାଦ୍ୟରେ ସମଗ୍ର ଅଞ୍ଚଳ ଉଛୁଳି ଉଠିଥିଲା। ଏଥିରେ ମନ୍ଦିର ଟ୍ରଷ୍ଟ ବୋର୍ଡର ମୌରସୀ ତପନ କୁମାର ପଣ୍ଡା, ଭୋଗରାଇ ପଞ୍ଚାୟତ ସମିତି ଅଧ୍ୟକ୍ଷ ପ୍ରବୀର କୁମାର ଗିରି , ପୂର୍ବତନ ଅଧ୍ୟକ୍ଷ ଗଣପତି ଗିରି, ଆଇନଜୀବୀ ଭୂବନାନନ୍ଦ ଦାସ, ସମିତି ସଦସ୍ଯ ଗୋବିନ୍ଦ ଦାସ, ଉପ ମୌରସୀ ବୁଦ୍ଧଦେବ ପଣ୍ତାଙ୍କ ସମେତ ସେବାୟତ ମାନେ ସାମିଲ ଥିଲେ।