Скачать или смотреть Ngrabuk Jiwa Memanjang Yuswa metri Karawitan Laras Ati Karangwerda Kel. Beru Wlingi Blitar 15-2-2026

Assalamu'alaikum Wr. WB.

Bismillah alhamdulillah wa Syukurillah wa nikmatillah la haula wala quwata illa billah...
Robbissohri sodri wayasirli amri wahlulmuludatam milisani yafhaul khouli..amma bakdu.

Alhamdulillah...
Amit-amit pasang aliman tabik, Sinabeto Ing Iladuni, dhumawaha ing tawang towang, mugi tinebihno saking tulak sarik
Tinebihno saking siku dendaning SangYang Maha Kawasa…

Nuwun-nuwun kulo nuwun…

Kanthi nyebut ing asmaning Gusti, Gusti Allah ingkang maha Mirah, Maha Asih sejatine

Nuwun kaparengo kawula angaturaken pambagyo panakrama raharjo nir ing sambikala
Tuhu linepatna ing deduka tinebihno saking salwireng sesendu miyang panyendu…
Para sesepuh, pinisepuh aji sepuh ingkang sampun pana ing pamawas sarta lebda ing pitutur ingkang pantes hanampi sagunging sekar pakurmatan saha para pilenggah sedaya…
Ingkang kulo hormati Bapak Lurah Beru sekalian garwa,
Bapak Ketua FMK Kelurahan Beru ingkang bagyo mulyo,
Bapak Ibu undangan ingkang sami rawuh, Saha sedoyo para lenggah ingkang dipun rahmati Allah SWT.

Ingkang sepindah…
Langkung rumiyin, monggo sesarengan ngunjukaken raos syukur dumateng Allah SWT ingkang sampun maringi katah kenikmatan dumateng kito sedaya, sahingga kita saget ngrawuhi acara Uyon-uyon Ngrabuk Jiwa Memanjang Yuswa saking Karawitan Laras Ati Karangwerda wonten Pendapa Kelurahan Beru menika kanti keadaan sehat wal afiat mboten wonten alangan setunggal punopo.

Kaping kalihipun ,
Pramila panjenengan sami katuran rawuh ing dinten puniko kasuwun donga pangestu wilujeng anggenipun para kadang Karawitan Laras Ati gadah hajad wilujengan metri wiosan Ibu Dewi Faishol lan tanggap warsa Karawitan Laras Ati ingkang kaping 3 kanthi pangajab mugi tansah dipun paringi kawilujengan, katentreman, kabagaskwarasan, rejeki ingkang barokah, manggasa gegetoan. Tumuju dumateng Pagesangan ingkang hayom hayem jenjem premanem nir baya nir ing wikara bagyo lestari lan mulya salawase. Mugi Karawitan Laras Ati anggenipun mbabar budaya tansah ngrembaka kaloka sak Nuswantara
Ujub donga kangge mahargyo dinten wiosan Ibu Dewi Faishol saha tanggap warsa Karawitan Laras Ati bade dipun ikrar-aken dening Bopo Roedy Harjono, dipun sumanggaken :…….