شمعة التاريخ🕯الشاعر: عبدالله بن حمدي الرشيدي 🕯 المنشد عبدالمجيد الثويني💫🇸🇦

ياشمعة التاريخ ياتاج الامجاد
                 ياعنبر الماضي ومسك البقايا
ارث الشرف والعز من نسل الاجداد
                   زود على منهج امعزي مزايا
عزم على صفحات الامجاد قد جاد
                  اي والله انه فاق عزم البرايا
وحزم تعدى الي عليها من اوتاد
                 روس الجبال ونطقها بالحنايا
لاهبهبت في جالها صوتها زاد
                  صوت يهز اركان سود النوايا
صوت الزعيم الي له الملك ينقاد
               سلمان اخو نوره كريم السجايا
ابو فهد كانك عن العز نشاد
               تضرب له كبود الهجن والمطايا
كم نوخت تشكي من الظلم والزاد
                واقفت تنادي بالعدل والعطايا
كم مسلم حطو على جرحه اضماد
                 هو بلسم جروح الزمن للحفايا
زبن الدخيل الي من الضيم نقاد
                  جال الذرى حلال كل القضايا
وابنه ولي العهد يسود من ساد
                    نعم الابن والله ونعم الربايا
سيف الى جرد نسى وصف الاغماد
                  يثقل على صف العدو بالرزايا
حر الى شلع على الصيد هداد
                    له نظرة تكشف كثير الخفايا
ياحكمة فيها من العلم وقاد
                  تضفي على رؤية بعيد الهقايا
محمد ولي العهد يسود من ساد
                      كل العمايم روسها له فدايا
حنا بواريده وحنا له زناد
                   والشعب كله يلتحق له سرايا
حنا زباينها وحنا لها خماد
                     نطفي لواهبها بقطف المنايا
نلوي ذراع الغدر ونذود من ذاد
              ونطمس بيارق غدرهم بالشظايا
ولا همنا عاذل ولا هرج حساد
                  ولا يلتفت طير الهدد للراعايا
ياهيه يالي عند الاذناب كداد
                      بارقابنا بيعه تفوق العلايا
كانك على فعل السلاطين جحاد
              خلك على عمياك وسط الحجايا
مازعزع غرابك طوابير الاجواد
                   وصفوفنا ما تخترقها الخلايا

عبدالله بن حمدي الرشيدي
#شعر #قصيد #اليوم_الوطني_السعودي