មនុស្សសព្វថ្ងៃថែតែកាយតែមិនសូវថែចិត្ត |Kimkanikar

#មនុស្សសព្វថ្ងៃថែតែកាយតែមិនសូវថែចិត្ត
ម្លោះហើយមនុស្សសព្វថ្ងៃមានជម្ងឺផ្លូវចិត្តជាជាងផ្លូវកាយ😔

តាំងពីខ្ញុំធ្វើការក្នុងមន្ទីរពេទ្យមក ជំងឺដែលជួបប្រទះកាន់តែកើនឡើងគួរឲ្យភ្ញាក់ផ្អើលនោះគឺជំងឺវិបត្តិផ្លូវចិត្តកើនឡើងលើសង្គមសព្វថ្ងៃខ្លាំង មិនថាក្មេងឬមនុស្សចាស់ សង្គេតមកយើងឃ្លាតពីសាសនា ឃ្លាតពីការពិតនៃធម្មជាតិពេកហើយ

ជំងឺផ្លូវចិត្ត មនុស្សសព្វនេះមានវិបត្តផ្លូវចិត្តច្រើនទាំងបញ្ហាក្នុងគ្រួសារ និងបញ្ហាសង្គមជុំវិញខ្លួន ដែលមានគំនាបគ្រប់ទិសទី ប្រកបដោយសង្គមសព្វថ្ងៃសេពក្រេបតែព័ត៌មានសំរាម សារផ្សេងៗច្រើនពេកតាមបណ្តាញអិនធ័រណេត និងម្នាក់ៗខិតខំតែរកទ្រព្យបំពេញមុខមាត់អួតសង្គម រងសម្ពាធពីសង្គមជុំវិញខ្លួនពេករហូតមិនមានពេលមើលថែចិត្ត គិតតែពីប្រាក់គ្រប់ដង្ហើមចេញចូល គិតតែចង់មានចង់បាន មិនចេះស្កប់ស្កល់ ខាងលើនេះគ្រាន់តែជាមូលហេតុខ្លះៗដែលបង្កឲ្យមនុស្សមានបញ្ហាផ្លូវចិត្ត អ្នកខ្លះទទួលស្គាល់ក៏សម្រេចចិត្តមកជួបពេទ្យដើម្បីព្យាបាល សម្រាប់អ្នកខ្លះមិនទទួលស្គាល់ក៏បង្កផលប៉ះពាល់ដល់សមាជិកក្នុងគ្រួសារដោយមិនដឹងខ្លួន

តែរាល់បញ្ហាយើងមិនអាចរំពឹងទៅលើអ្នកដទៃឲ្យជួយបានឡើយ អ្នកត្រូវចាប់ផ្តើមមកពិចារណាខ្លួនឯងកែពីខ្លួនឯងផង ព្រោះរាល់បញ្ហាតែងកើតឡើងដោយសារអ្នកយកខ្លួនជាធំ គិតតែពីជ្រុងរបស់ខ្លួន តែអ្នកត្រូវគិតពិចារណាពីជ្រុងអ្នកដទៃផង មនុស្សម្នាក់ៗតែងមានហេតុផលរបស់ខ្លួនជានិច្ច !!

មនុស្សប្រើរាងកាយតែងជ្រើសអាហារល្អៗឆ្ងាញ់ៗមកប៉ូវកម្លាំងថែតែរាងកាយតែមនុស្សតែងមើលរំលងចិត្ត ម្លោះហើយបានជាមនុស្សសព្វថ្ងៃតែងមានបញ្ហាផ្លូវចិត្តច្រើនជាងផ្លូវកាយ

កុំភ្លេចថា #ជីវិតមនុស្សដូចចង្កៀងប្រេងកាត
កុំចេះតែប្រើ មើលថែថែមប្រេងកាតជានិច្ច !!

#សេចក្តីសុខពិតប្រកបដោយភោគទ្រព្យបួនប្រភេទ
១) ទ្រព្យសម្បតិ្តស្តុកស្តម្ភ ❤️
២) ឋានះក្នុងសង្គម មុខមាត់ តំណែង❤️
៣) ពេលវេលា( សេរីភាពក្នុងការរស់នៅ )⚠️⚠️
៤) សុខភាពល្អ⚠️⚠️

#រស់នៅក្នុងសង្គមសព្វថ្ងៃដែលពោរពេញទៅដោយកិលេស និងការប្រណាំងប្រជែង

⚠️ចូរប្រុងប្រយ័ត្នការងារដែល
#លួងអ្នកដោយ(ពីរខដំបូង ) ❤️❤️
#ហើយលួច( ពីរខចុងក្រោយ ) ⚠️⚠️
ពីអ្នកដោយមិនដឹងខ្លួន⌛

ក្រោយពីស្តាប់ អានសាររបស់ខ្ញុំហើយខ្ញុំចង់ឲ្យបងប្អូនគិតហើយសួរខ្លួនឯងផងថាអ្វីទៅគឺអត្ថន័យនៃជីវិត ហើយអ្វីទៅគឺសេចក្តីសុខនៃជីវិត យើងកើតមកលើលោកនេះដើម្បីអ្វីទៅ ??

#សេចក្តីសុខពិតៗនៃជីវិតមនុស្សយើងគឺសាមញ្ញមែនទែន គ្រាន់តែមានការងារធ្វើ មានសុខភាពរឹងមាំល្អទាំងផ្លូវកាយនឹងផ្លូវចិត្ត មានពេលវេលាសម្រាកលំហែកាយចិត្តតាមភាពគួរសម្យ មានពេលទៅដើរលេងក្រៅប្រទេសមួយឆ្នាំម្តង ពេញចិត្តនៅអ្វីដែលខ្លួនមាន ចុងក្រោយគឺ #មិនមានបំណុល ជីវិតដែលមានសេចក្តីសុខគឺរស់យ៉ាងសាមញ្ញៗ ពេញចិត្តនៅអ្វីដែលខ្លួនមានហើយរក្សារបស់នោះឲ្យបានល្អនោះ តើយើងមានត្រូវការអ្វីទៀត?????

.
#រឿងចុងក្រោយ

ប្រទេសជិតខាងយើង គេដើរហូសហើងឆ្ងាយហើយបងប្អូន គេគិតតែពីរឿងអនាគត គេនិយាយគ្នាតែរឿងដែលកើតប្រយោជន៍ដល់សង្គម ប្រណាំងប្រជែងគ្នាដោយ #គុណភាពនឹងប្រសិទ្ធិភាព គេនិយាយពីលោកបច្ចុប្បន្ននិងអនាគតអស់ហើយ ដូចជា
#Technology
#Innovation
#Blockchain
#AI
#Coding
#Cryptocurrency
#Digital_currency ប្រទេសចិននិងបរទេសគេកំពុងប្រណាំងគ្នាខ្លាំងរឿងនេះហើយនឹងយកមកប្រើឆាប់ៗនិងហើយចាស តទៅអនាគតគេអាចឈប់ប្រើប្រាក់ក្រដាស់ព្រោះមានមេរោគហើយពិបាកថែរក្សា បើសិនជាយើងមិនភ្ញាក់និងសិក្សាស្វះស្វែងរកចំណេះដឹងថ្មីបន្ថែម យើងនឹងរស់ក្នុងសង្គមនេះដោយរបៀបណាបងប្អូន

ភ្ញាក់ខ្លួនឡើងហើយឈប់លង់លក់នឹងមោទនភាពនិងអតីតប្រកែកគ្នារឿងដែលមិនអានទៅកែប្រែ ហើយឥតប្រយោជន៍ ទង្វើអស់នោះមិនបានធ្វើឲ្យជីវិតអ្នកឬមនុស្សក្នុងសង្គមប្រសើរឡើយចាស

ខាងលើនេះជាពាក្យបច្ចេកទេសព្រោះសូម្បីតែភាសាថៃក៏មិនមានដែរ គេក៏ប្រើហ្នឹងដែរចាស ការយល់ដឹងភាសាខ្មែរខ្ញុំនៅមានកម្រិត ក្រៅពីពាក្យក្នុងមន្ទីរពេទ្យអាចមិនក្បោះក្បាយទេ ព្រោះមិនបានប្រើជាប្រចាំក្នុងជីវិតប្រចាំថ្ងៃ បើសិនជាមានខុសឆ្គងត្រង់ចំណុចណាមួយខ្ញុំសូមខន្តីអភ័យទោសទុកមុនផងចាស ៕

   • មនុស្សសព្វថ្ងៃថែតែកាយតែមិនសូវថែចិត្ត ...  

ចិត្ត្រា ស្នេហាអ្នកអាន ☺️
15/05/2020

   / @kimkanikarchhon1599  
.

Contact me via :
Email :[email protected]
Line ID :kimchhon9
Telegram :+66 63-9292-624
Fan page :Chhon Kimkanikar