Скачать или смотреть ଗୁରୁ ସିଂହାରୀ ଶ୍ୟାମସୁନ୍ଦର କର ଙ୍କ ୧୧୮ତମ ଜୟନ୍ତୀ | ୧୦.୦୩.୨୦୨୬ | GKCMORC

ଗାୟକ ରତ୍ନ ଅଦ୍ୟଗୁରୁ ସିଂହାରୀ ଶ୍ୟାମସୁନ୍ଦର କର

ଓଡିଶୀ ସଙ୍ଗୀତର ମଉଡ଼ମଣି ଓ ଆଦ୍ୟଗୁରୁ ସିଂହାରୀ ଶ୍ୟାମସୁନ୍ଦର କର 1908 ମସିହା ମାର୍ଚ୍ଚ 4 ତାରିଖରେ ପୁରୀର ମଣିକର୍ଣ୍ଣିକା ସାହିରେ ଜନ୍ମଗ୍ରହଣ କରିଥିଲେ l ଗୁରୁ ସିଂହାରୀ ଶ୍ୟାମସୁନ୍ଦର କର ଏକାଧାରରେ ଜଣେ ସୁଦକ୍ଷ ମର୍ଦଳ ବାଦକ, ଗାୟକ ଏବଂ ନୃତ୍ୟ ସଂଯୋଜକ ଥିଲେ l ବହୁ ଗୁଡିଏ ଓଡିଶୀ ସଙ୍ଗୀତର ସ୍ୱର ସଂଯୋଜନା କରି ସେ ଓଡିଶୀ ସଙ୍ଗୀତର ମାନ ବର୍ଦ୍ଧନ କରିଥିଲେ l ଗୁରୁ ସିଂହାରୀ ଶ୍ୟାମସୁନ୍ଦର କର ଓଡିଶୀ ସଂଗୀତ ଗାୟନ ବାଦନକୁ ଏକ ନିର୍ଦ୍ଧିଷ୍ଟ ବ୍ୟାକରଣ ଆଧାରରେ ପରିବେଷଣ ଆରମ୍ଭ କରିଥିଲେ l


ସିଂହାରୀ ଶ୍ୟାମସୁନ୍ଦର କର ଓଡିଶୀ ସଂଗୀତ ଗାୟନ ଏବଂ ମର୍ଦଳ ବାଦନ ଶିକ୍ଷା ପ୍ରଦାନ କରି ବହୁ ଛାତ୍ରଛାତ୍ରୀଙ୍କୁ ଜାତୀୟ ସ୍ତରରେ ପ୍ରତିଷ୍ଠିତ କରିବାରେ ସହାୟକ ହୋଇଥିଲେ l ସେ ଉତ୍କଳ ସଙ୍ଗୀତ ମହାବିଦ୍ୟାଳୟରେ ମର୍ଦଳ ବିଭାଗର ପ୍ରଥମ ଅଧ୍ୟାପକ ଥିଲେ l ତତସହିତ ପରବର୍ତ୍ତୀ ସମୟରେ ସଙ୍ଗୀତ ମହାବିଦ୍ୟାଳୟର ଅଧକ୍ଷ ପଦ ଅଳଙ୍କୃତ କରିଥିଲେ l

ତାଙ୍କର ସଂଗୀତ ସାଧନା ଓ ସଂଗୀତ ନିମନ୍ତେ ଉତ୍ସର୍ଗିକୃତ ଜୀବନ ପାଇଁ ସେ ଉତ୍କଳ ସଂଗୀତ ସମାଜ, ଉତ୍କଳ ସାହିତ୍ୟ ସମାଜ, ପ୍ରଜାତନ୍ତ୍ର ପ୍ରଚାର ସମିତି, ଭଞ୍ଜ ସାହିତ୍ୟ ସମିତି ଏବଂ ଓଡିଶା ସଙ୍ଗୀତ ନାଟକ ଏକାଡେମୀ ଦ୍ୱାରା ସମ୍ବର୍ଦ୍ଧିତ ହୋଇଛନ୍ତି l ସେ ଗାୟକ ରତ୍ନ, ସଂଗୀତ ବିସାରୀ, ଛାନ୍ଦକାନନର ପିକବର, ସଙ୍ଗୀତାଚାର୍ଯ୍ୟ ଓ ଶ୍ରୀକ୍ଷେତ୍ର ରତ୍ନ ଆଦି ବହୁ ଉପାଧିରେ ଭୂଷିତ ହୋଇଥିଲେ l 1975 ମସିହା ମାର୍ଚ୍ଚ ମାସ 16 ତାରିଖରେ ତାଙ୍କର ମହାପ୍ରୟାଣ ହୋଇଥିଲା l