موقف

حساب الشاعر انستقرام :
bashar.al3ajarma

وسط الزّحام و لَجَة الناس ي حسين
كلّن معه خلّه و انا اللي لحالي

ادعج على الدخان و الناس مقفين
و مراقب العالم ولا احدن يبالي

و من الطفش قمت اتغنى ببيتين
طرت بسما فكري و قمة خيالي

قامت هواجيسي تجر التلاحين
ماني مع العالم و صفيت بالي

حسّبت محدن سامع الصوت ي حسين
و اثري دخلت المود و الصوت عالي

فجأه نطحتني جادلن تملك الزين
باين عليها العز من كل جالي

مربوبه الاطراف مكحولة العين
اسود جديله كَنْه سود الليالي

قالت سلام و قلت مليون اهلين
و ميّلت لليمنى قليلاً عقالي

قالت لحالك ؟قلت شاللي تشوفين
قالت علامك ؟ قلت محدن وفالي

قالت سمعتك توك تقول بيتين
شعرك اكيد ان كان ما زل بالي

يحفظك ربي من غثا الناس و العين
ليتك ولد عمي او وليد خالي

قلت اي شعري يا عسا ما تخيبين
يا اجمل وصوف الغيد ي وجد حالي

و اخذتني العزه و انا ولد جدين
و اهديتها شعري و هو راس مالي

قالت نشدتك ي ابن الاجواد من وين
منهم هلك طالبك جاوب سؤالي

جاوبتها بالمختصر بين قوسين
ربعي لهم بالطيب نجمن يلالي

جِرد السيوف اللي على الحرب وعرين
ذَبّاحة العادين يوم النزالي

من عجرمه هم عزوتي حزة البين
يا عجرمه ي قوم تهوى المعالي

يوم الوغى يغدون كنهم شياطين
عند الكرم نعطي ابد ما نبالي

قالت كفو مليون و النعم بألفين
يالعجرمي لبيه ي هملالي

قالت رقم جوالك اورانج او زين
هاك الرقم و تدق لا صرت خالي

قالت سلام و قلت مليون اهلين
ثم مالِ قلبي قبل ميلة عقالي

#شعر #بوح #قصيد #العجارمه #سعد_بن_جدلان #بوح #ابداع #الاردن #عجرمي #غزل