Скачать или смотреть AJALI YA BOTI MWANZA MAJERUHI WAFUNGUKA ' TULIONA MAJI YANAINGIA 'MADUMU YALITUPIGA MACHONI'

Watu 29 wamenusurika kufariki dunia baada ya mtumbwi wao kuzama ziwa Victoria huku wakitaja madumu ya petroli kunusuru maisha yao.

Kwa mujibu wa Kamanda wa Polisi Mkoa wa Mwanza, Wilbroad Mutafungwa akizungumza leo Septemba 26, 2024 na waandishi wa habari amesema boti hiyo imezama jana jioni Septemba 25, mwaka huu ikitokea katika Mwalo wa Kirumba jijini humo kwenda kisiwa cha Goziba kilichopo Wilaya ya Muleba Mkoa wa Kagera ikiwa na watu 31, mizigo pamoja na madumu ya petroli 58 yenye ujazo wa lita 270.

Hata hivyo Kamanda Mutafungwa amesema katika ajali hiyo watu 29 walifanikiwa kuokolewa, mtu mmoja amefariki na mwingine hajulikani aliko huku jitihada za kuendelea kumtafuta zikiendelea.

Wakisimulia leo Septemba 26, 2024 manusura wa ajali hiyo wamesema baada ya kuona mtumbwi umeanza kuzama walilazimika kumwaga mafuta ya petroli kisha kubaki na madumu ambayo walitumia kujiokoa ili wasizame.

Hata nao baadhi ya wavuvi walioshiriki katika zoezi la uokoaji na kufanikiwa kuokoa watu 10 wakizungumza na Mwananchi Digital wamesimulia namna walivyoweza.


Akizungumzia hali za majeruhi Mganga mfawidhi Hospitali ya Rufaa ya Mkoa wa Mwanza ya Sekouture, Dk Bahati Msaki amesema baada ya kuwapokea na kuwapatia huduma 14 waliruhusiwa kurudi nyumbani huku 14 wengine wakiendelea na matibabu hospitalini hapo.
ANANIA KAJUNI