Colhdamnak --By TKP Bethani ,Aizawl

Lei tlun ah colhcan nei lo in hna kan tuan ,duhkhop ti a um silo bangnak.
Thaizing , hmaikum, hmaizarh ah remcannak ruahsan in kan nun a liam.
Bawipai thu lawng ah kan hrang colhnak a um,Thutak cu Amah a si ruangah,
Kan ruahsan mi cu a um , lungkimnak, lungawinak, nun hahdamnak.

Bang le cau in , kan um na in colhnak ding kan nei lo e .
Ni ,Thla a liam kum can a liam remcannak in in dawi man lo.
Hmanseh Bawipai zangfahnak ih remruatnak ah thum aw in
kan um cun ,Nun hahdamnak daihnak a um ,Colhnak ding cu a si.

Duhmi a tam rual in ti thei kan nei lo, beidonnak sawmtu fang a si e
Kum le Can hi kan daih lo , kan duhmi tuan nak ah ziangtin si ding.
Bawipa rinsan ih nun cu colhhahdam nak ,a tha bik in rem in ruat sak si .
Ziangkim neitu Cungnungbik Rin san in nung thiam cu,colhhahdam nak.

Natnak,thihnak tih in kan buai in kan phar ,hmanseh hrial thei tu kan um lo e.
Damnak hawl in kan buai nan tihphannak , beidonnak cu kan co mi.
Bawipa’i remruat pom thiam hi colhhahdamnak Nunnak ,thihnak tlun ah thu neitu.
Thihnak, natnak ih neh lo hnangamnak ,lungawinak cu a pe thei.