Скачать или смотреть ទស្សនៈសាងកម្លាំងចិត្ត | មាង ដារ៉ា (ភាគទី៥)

កុំចាំទាល់មានអ្នកប្រាប់

“គ្មាននរណាម្នាក់ចាំប្រាប់អ្នកគ្រប់ពេលវេលានូវកិច្ចការដែលអ្នកត្រូវធ្វើនោះឡើយ អ្វីដែលសំខាន់អ្នកត្រូវចេះរឭកដឹងដោយខ្លួនឯងនូវកិច្ចការដែលអ្នកត្រូវធ្វើ”

តើអ្នកចង់បានភាពរីកចម្រើនដែរឬទេ? តើអ្នកជាមនុស្សដែលចូលចិត្តឱ្យអ្នកដទៃដឹងច្រមុះអ្នកគ្រប់ពេលវេលាដែរឬទេ? តើអ្នកចង់ឱ្យមិត្តរួមការងារចង់ធ្វើការជាមួយអ្នកដែរឬទេ? បើអ្នកចង់បាននោះ អ្នកត្រូវមានសតិក្នុងការរឭកនូវកិច្ចការរបស់អ្នកដោយខ្លួនឯង កុំចាំទាល់តែអ្នកដទៃប្រាប់ទើបដឹងនូវកិច្ចការដែលអ្នកគួរធ្វើនោះ។

មានពេលខ្លះមនុស្សត្រូវការមានអ្នកចាំជួយដាស់តឿនក្រើនរំឭកណែនាំជាប្រចាំ ជាពិសេសនោះ គឺអ្នកដឹកនាំ មិនអាចខ្វះទីប្រឹក្សាដែលចាំជួយផ្តល់យោបល់ និងគំនិតសម្រាប់ជួយដោះស្រាយបញ្ហា ដើម្បីឱ្យការដឹកនាំរបស់មេដឹកនាំមានលក្ខណៈល្អប្រសើរ។ កាលគ្រាដែលអ្នកនៅក្មេង អ្នកមិនដែលមានឆន្ទៈក្នុងការធ្វើកិច្ចការដោយខ្លួនឯងនោះទេ ពេលនោះអ្នកមានឪពុកម្តាយចាំជួយដាស់តឿនជានិច្ច ដូចជាភ្ញាក់ពីដំណេក រៀបចំខ្លួនទៅសាលារៀន ការរៀនសូត្រ ដោយខ្លួនឯងជាដើម គឺសុទ្ធតែមានឪពុកម្តាយចាំជួយជានិច្ច។ [...]

លោកអ្នកអាន អ្នកស្ដាប់ជាទីស្រលាញ់ នៅពេលដែលលោកអ្នកបានចាប់កាន់សៀវភៅមួយក្បាលដែលមានចំណងជើងថា “ទស្សនៈសាងកម្លាំងចិត្ត” នេះ លោកអ្នកប្រហែលជាដឹងហើយថាសៀវភៅនេះសរសេរពីអ្វី។ លោកអ្នកអាចនឹងទទួលបាននូវថាមពលដ៏អស្ចារ្យក្នុងការជំរុញចិត្តរបស់អ្នកឱ្យមានភាពក្លៀវក្លា មានការតស៊ូខ្ពស់ ហើយលោកអ្នកនឹងមានសេចក្តីសុខក្នុងចិត្ត។ ពេលមួយនាពេលរសៀល ព្រះអាទិត្យកំពុងជះពន្លឺយ៉ាងភ្លឺច្បាស់ល្អ ខ្ញុំកំពុងអានសៀវភៅក្នុងសួនច្បារតែម្នាក់ឯង មនុស្សម្នាកំពុងតែអ៊ូអរ អ្នកខ្លះហាត់ប្រាណ អ្នកខ្លះកំពុងអង្គុយសន្ទនាគ្នា ហើយអ្នកខ្លះទៀតកំពុងអង្គុយសញ្ជប់សញ្ជឹងមានទឹកមុខមិនស្រស់បស់ ផ្លូវចិត្តហាក់ដូចកំពុងរួមរិតដោយទុក្ខសោក ពួកគេទាំងនោះប្រហែលជាមានសេចក្តីទុក្ខ ក្នុងចិត្តខ្លាំងណាស់ហើយពួកគេក៏ប្រហែលជាត្រូវការអ្នកផ្តល់កម្លាំងចិត្តផងដែរ។ រំពេចនោះខ្ញុំក៏បានគិតថា បើខ្ញុំអាចសរសេរសៀវភៅមួយក្បាលដែលអាចសាង កម្លាំងចិត្តដល់មនុស្សគ្រប់គ្នាដែលបានអាន តើមិនល្អទេឬ? លោកអ្នកដឹងទេថា ថាមពលដែលបានពីអនុសម្បជញ្ញៈ បានជំរុញចិត្តរបស់ខ្ញុំឱ្យមានអារម្មណ៍ពុះក ញ្ជ្រោល មានចិត្តយ៉ាងមុតមាំដោយគិតថាធ្វើយ៉ាងណា ត្រូវតែសរសេរសៀវភៅ មួយក្បាលនេះឱ្យបាន។ ហើយទីបំផុតវាពិតជាអាចសម្រេចបានមែន!

ដកស្រង់ចេញពីសៀវភៅ #ទស្សនៈសាងកម្លាំងចិត្ត ដោយបងប្រុស មាង ដារ៉ា
អានដោយ: EKH (មករា ២០២៥)

ទាញយកសៀវភៅអាន
https://t.me/audiobookkh

សូមអរគុណសម្រាប់ការតាមដានសណ្ដាប់តាំងពីដើមរហូតដល់ចប់ និងសូមខន្តីអភ័យទោសចំពោះរាល់កំហុសឆ្គងនានាដែលកើតឡើងដោយប្រការណាមួយក្នុងការផលិតវីដេអូនេះឡើង។ ហើយក៏សូមអរគុណដល់បង មាង ដារ៉ា ជាពិសេសដែលបានសរសេរអត្ថបទល្អៗទាំងអស់នេះឡើង ព្រមទាំងបានអនុញ្ញាតឲ្យធ្វើការចែករំលែកបន្តបានទៅកាន់សាធារណជន។ សូមអរគុណបងជាអនេកប្បការ!!!
Thanks for watching!

ស្ដាប់សៀវភៅផ្សេងទៀត៖
   • សៀវភៅជាសំឡេងពេញ (Full Audio Books)