金泰梨為演角色做足三年準備 金素妍尋求突破擺脫惡女形象

金泰梨為演角色做足三年準備 金素妍尋求突破擺脫惡女形象

韓國女演員 金泰梨 向來都係收視保證，無論咩年代、題材嘅角色都可以被佢駕馭，而佢主演嘅劇集《正年》更係近期高收視韓劇。劇集由人氣網絡漫畫改篇，講述泰梨飾演嘅一位擁有聲樂天賦少女努力成為頂級國劇演員嘅故事。泰梨唔止由少女時期演到4、50歲，亦為角色剪短髮。

當泰梨知道漫畫作者係以佢當年主演嘅電影《下女有罪》戲中角色做創作靈感時，當知道漫畫要改編做劇集已經非常期待，雖然平時都會代入角色，但唔會浮現自己個樣，佢亦好榮幸自己舊作可以成為原作嘅藍本同靈感。

劇集另一焦點就係劇團間女演員互鬥戲氛，泰梨同辛叡恩喺戲中互摑場面更成為網民熱話。泰梨為演好角色，喺確認接拍劇集時專程學習聲樂、跳舞、方女言，一學就學咗三年，真係落足苦功。

除此之外，另一位姓金嘅好戲之人 金素妍 所主演嘅19禁劇集《貞淑的推銷》改編自英國劇集，取材於情趣玩具商CEO自傳，題材尺度大膽。韓版故事時間發生喺90年代，金素妍為養家而拉埋三個好朋友一齊做成人用品推銷，喺當年保守嘅鄉村造成極大風波。

一向演開惡女嘅金素妍一直尋求突破，所以當佢睇完劇本後，就馬上覺得呢套劇係佢想要嘅劇本，加上出道多年自己都未有被人記得嘅代表角色，所以佢都好希望播完之後，行出街會被路人以角色名稱呼。

凍齡美魔女金成鈴呢次就飾演金素妍其中一位好友，雖然二人相隔26年再合作，不過金成鈴就覺得佢同金素妍非常合拍，默契好好。

#金泰梨 #辛叡恩 #正年 #下女有罪 #國劇 #聲樂 #方言 #貞淑的推銷 #金素妍 #金成鈴 #19禁 #韓國 #韓劇 #韓流 #惡女
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0