Скачать или смотреть Mke anavyodaiwa kumbana nyeti, kumchoma kisu mmewe hadi kumuua

Uchunguzi wa awali umebaini kifo cha Ofisa Kilimo wa Kata ya Neruma wilaya ya Bunda mkoani Mara, Julius Rubambi (39) kimesababishwa na kuvuja damu nyingi kwenye majeraha yaliyotokana na kuchomwa na kitu chenye ncha kali.

Pia uchunguzi huo umebaini mwili wa marehemu ulikuwa na majeraha yaliyotokana na kuminywa na kung’atwa maeneo mbalimbali ikiwemo sehemu za siri, sikioni na puani jambo lililochangia kuvuja zaidi ya lita 3.5 za damu.

Ofisa kilimo huyo alifariki dunia juzi katika Hospitali ya Kibara wilayani Bunda mkoani humo baada ya kuibuka ugomvi baina yake na mkewe, Elizabeth Steven (30), huku chanzo kikitajwa kuwa ni wivu wa mapenzi.

Akizungumza leo Aprili 3,2024 katika Hospitali ya Kibara ulipohifadhiwa mwili wa marehemu, Daktari wa hospitali hiyo, Dk Justine Zacharia amesema baada ya uchunguzi huo imebainika kulikuwa na damu iliyovilia upande wa kulia wa mapafu ya marehemu.

Pia Mwananchi Digital imefika inapoishi familia hiyo na kupata shuhuda ya mtoto wa mwanamke anayedaiwa kutekeleza tukio hilo na majirani wanaoeleza mkasa huo ulivyotokea.