'Appu' ಸಿನಿಮಾದಲ್ಲಿ ಡ್ಯೂಪ್ ಬಳಸದೇ ಕಾಲೇಜ್‌ ಬಿಲ್ಡಿಂಗ್‌ನಿಂದ ಪುನೀತ್ ಹಾರಿದ್ದರು| Appu Movie |Vijay Karnataka

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಬಾಲನಟನಾಗಿದ್ದಾಗಲೂ, ಹೀರೋ ಆದ್ಮೇಲೂ ಅವರೊಂದಿಗೆ ತೆರೆಹಂಚಿಕೊಂಡಿದ್ದವರು ಹಿರಿಯ ನಟ ಶ್ರೀನಿವಾಸ್ ಮೂರ್ತಿ. ಪುನೀತ್ ರಾಜ್‌ಕುಮಾರ್ ಜೊತೆಗೆ ಕಳೆದ ಅಪೂರ್ವ ಕ್ಷಣಗಳನ್ನ ನಿಮ್ಮ ವಿಜಯ ಕರ್ನಾಟಕ ವೆಬ್‌ಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ಶ್ರೀನಿವಾಸ್ ಮೂರ್ತಿ ಬಿಚ್ಚಿಟ್ಟಿದ್ದಾರೆ.

‘ಅಪ್ಪು’ ಸಿನಿಮಾದಲ್ಲಿ ಹೀರೋಯಿನ್ ರಕ್ಷಿತಾ, ‘ಅಪ್ಪು’ಗೆ ಸವಾಲು ಹಾಕುವ ಒಂದು ಸನ್ನಿವೇಶ ಇದೆ. ಬಿಲ್ಡಿಂಗ್‌ನಿಂದ ಹಾರುವಂತೆ ಹೀರೋಗೆ ಹೀರೋಯಿನ್ ಚಾಲೆಂಜ್ ಮಾಡ್ತಾರೆ. ಆಗ ಹಿಂದು ಮುಂದು ನೋಡದೆ ಹೀರೋ ಅಪ್ಪು ಬಿಲ್ಡಿಂಗ್‌ನಿಂದ ಕೆಳಗೆ ಹಾರುತ್ತಾರೆ. ಸಿನಿಮಾದಲ್ಲಿ ಇರುವಂತೆ ಶೂಟಿಂಗ್ ವೇಳೆಯಲ್ಲೂ ಡ್ಯೂಪ್ ಬಳಸದೆ ನಿಜವಾಗಿಯೂ ಆ ಕಾಲೇಜ್ ಬಿಲ್ಡಿಂಗ್‌ನಿಂದ ಪುನೀತ್ ರಾಜ್‌ಕುಮಾರ್ ಹಾರಿದ್ದರು. ಆ ಭಯಾನಕ ಘಟನೆ ಬಗ್ಗೆ ಸಂದರ್ಶನದಲ್ಲಿ ಶ್ರೀನಿವಾಸ್ ಮೂರ್ತಿ ಬಿಚ್ಚಿಟ್ಟಿದ್ದಾರೆ.

‘’ಅಪ್ಪು’ ಸಿನಿಮಾದಲ್ಲಿ ಡ್ಯೂಪ್ ಇಲ್ಲದೆ ಹಾರ್ತೀನಿ ಅಂತ ಹಾರಿದರು. ನಮ್ಮಂಥವರು ಆಗಿದ್ದರೆ, ಕೈ-ಕಾಲು ಮುರಿದುಕೊಳ್ಳುತ್ತಿದ್ವಿ. ಅಷ್ಟು ಎತ್ತರದಿಂದ ಹಾರಿ ಸೈ ಎನಿಸಿಕೊಂಡರು. ಫೈಟ್ ಸೀನ್‌ಗಳಲ್ಲಿ ಪುನೀತ್‌ರನ್ನ ಮೀರಿಸುವವರಿಲ್ಲ. ಅಷ್ಟು ಲೀಲಾಜಾಲವಾಗಿ ಪಾತ್ರ ಮಾಡುತ್ತಿದ್ದರು’’ ಎಂದಿದ್ದಾರೆ ಶ್ರೀನಿವಾಸ್ ಮೂರ್ತಿ.

#PuneethRajkumar #AppuMovie #SrinivasaMurthyExclusiveInterview

Our Website : https://Vijaykarnataka.com
Facebook:   / vijaykarnataka  
Twitter:   / vijaykarnataka