Qastrol səfərinə "Məlikməmməd" tamaşası ilə yekun vuruldu | Kanal S Xəbər

Abone OL: https://goo.gl/W99fFm

Copyright © Kanal S_official

Sayt: https://kanal-s.az
Facebook: https://goo.gl/XVhVzG
“Heydər Əliyev İli” çərçivəsində paytaxtda fəaliyyət göstərən səkkiz aparıcı teatrın Novruz bayramı ilə bağlı tətil günlərində bölgələrə qastrol səfərləri həyata keçirilib.

Qastrol aksiyasının məqsədi regionlarda mədəni həyatın fəallaşdırılması, əhalinin, xüsusilə də gənclərin asudə vaxtının keyfiyyətinin yüksəldilməsi, yerli yaradıcı kollektivlərlə daha sıx ünsiyyət və faydalı təcrübə mübadiləsinə şərait yaratmaq olub. Qastrol proqramına Azərbaycan Dövlət Akademik Milli Dram Teatrının Beynəlxalq teatr günündə, martın 27-də Şəkidə nümayiş etdirdiyi "Məlikməmməd" nağılı əsasında hazırlanan eyniadlı tamaşa ilə yekun vurulub.

Tamaşadan əvvəl Heydər Əliyevin 100 illiyinə həsr olunan "Mədəniyyətə bağlı ömür" adlı sənədli filmi nümayiş olunub. Rəsmi hissədə çıxış edənlər bildiriblər ki, teatr və mədəniyyət işçiləri dövlətin dəstəyini, Ulu öndərin qayğısını, sevgisini daim hiss ediblər. Sevindirici haldır ki, bu ənənə davam edir. Rəsmi hissədən sonra şəkili balaca teatrsevərlərin həsrətlə gözlədiyi Məlikməmməd tamaşası nümayiş edilib.

Səhnə əsərinin quruluşçu rejissoru Əməkdar artist Nicat Kazımovdur. Tamaşada Əməkdar artist Mehriban Xanlarova, aktyorlar Elçin Əfəndi, Şəhla Əliqızı, Corc Qafarov və digərləri rol alıblar.

Tamaşanın qəhrəmanı – şahın kiçik oğlu Məlikməmməd öz atasını cavanlaşdırmaq üçün bir çox çətinliklərdən keçir. O, şər qüvvə olan ağ divə qalib gəlir, sehrli almanı atasının hüzuruna gətirir. Bunun əvəzində şah öz oğlu Məlikməmmədə padşahlığı hədiyyə etmək istəyir. Lakin qəhrəman başqa məmləkətlərdə, qaranlıq dünyalarda olan insanları divlərdən xilas etmək üçün təhlükəli səfərə yollanır.

Dekorasiya və musiqili tərtibatları ilə nağıldakı mifik ab- havanın yaradılmasına nail olan aktyor heyyətinin çıxışı balaca tamaşaçılar tərəfindən böyük maraqla qarşılanıb.
#kanals #şəki #tamaşa