G‘azodan G‘arbiy Sohilga kengaygan vayronalar

G'arbiy Sohilning Jenin shahridagi joriy manzara: Isroil kuchlarining G'arbiy Sohilda bir haftadan ziyod davom etgan reydlari ortidan Jenin va Tulkarm shahrida ko'plab turarjoylar vayronaga aylandi, shaharlarga kirish-chiqish yo'llari buldozerlar bilan surib tashlandi. Kamida 29 kishi o'ldirildi, qurbonlar orasida bolalar ham bor.

G'azoda urush boshlanganidan beri G'arbiy Sohilda 700 nafarga yaqin qurbon berildi. G'azo sektorida halok bo'lgan falastinliklar soni 40 988 kishiga yetdi.

BMTning inson huquqlari bo'yicha Oliy komissari Volker Turk joriy vaziyatga baho berar ekan, G'azoda urushni to'xtatish va mintaqani to'liq masshtabli urush domidan qutqarib qolish favqulodda ustuvor va kechiktirib bo'lmas vazifa ekanini ta'kidladi. Vayronagarchilikning G'azodan G'arbiy Sohilga kengayishi, G'azoda 1,9 million aholini ko'chib yurishga majburlash, begunoh odamlar o'limi, garovda hanuz 101 nafar isroillikning qolayotgani vaziyatni keskinligicha saqlab turibdi, dedi u.