Скачать или смотреть 曾展望 葉蒨文今年事業愛情大豐收 盼一齊攞飛躍進步獎共同跨越浪漫

曾展望 葉蒨文今年事業愛情大豐收 盼一齊攞飛躍進步獎共同跨越浪漫

曾展望 同 葉蒨文 連日以情侶檔現身大小活動搵外快，今年兩人事業愛情雙豐收，無論知名度或吸金力比往年大大提升，呢日佢哋一齊現身活動時話好開心有好成績，但唔會就此滿足，更努力向上。

Sophie話自己入行至今都抱完美主義者心態，直至近日終於學識要讚美自己，加上今年有好多突破，除咗演戲之外，又參加真人騷、主持、司儀及唱歌，已經心滿意足。

GM同Sophie自從公開拍拖後，成日閃到爆燈，但喺工作層面佢哋就想作更多挑戰，Sophie建議搵佢哋扮演仇人及互相追殺，又或者醫生、護士，總之唔係恩愛角色。相反GM就有意發掘吓自己唱歌一面，但講到底兩人好耐冇一齊拍劇，齊齊笑稱佢哋係TVB最想拍劇嘅男女。

GM同Sophie同樣以大熱姿態入圍台慶頒獎禮「飛躍進步男、女」藝員，雖然Sophie喺GM心目中長期第一位，但Sophie對獲獎信心一般，坦言入行十年心態變淡，好多事都歸於平淡，由始至今都好熱愛工作，每日過得充滿熱誠同熱情，有獎攞會好開心，可以同GM一齊攞就更浪漫。

《萬千星輝頒獎典禮2025》第二階段投票 2025年12月28日晚上截止https://www.tvb.com/p100020

#曾展望 #葉蒨文 #情侶檔 #吸金 #頒獎禮 #飛躍進步 #真人騷
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0