Kortej Respublikaçıların qurultayına gedən Donald Trampı hava limanına aparır

Sabiq prezident Donald Tramp bazar günü Nyu-Cersidən respublikaçılar ötən həftənin sonunda sui-qəsd cəhdindən sağ çıxdıqdan sonra onu rəsmi olaraq prezidentliyə namizəd edəcəkləri Viskonsin ştatının Milvoki şəhərinə yola düşüb.

https://www.amerikaninsesi.org/z/7887
Donald Trampın sui-qəsd cəhdindən bir neçə gün sonra Respublikaçılar tərəfindən son zamanlar ən çox izlənilən siyasi qurultaylardan birində ABŞ prezidentliyinə rəsmi olaraq namizədliyinin irəli sürüləcəyi gözlənilir.

Prezident Co Bayden bazar günü axşam xalqa müraciətində Resppublikaçlıarın ehtimal olunan prezidentliyə namizədi Donald Trampa sui-qəsd cəhdinə rekasiyasında amerikalıları birliyə çağırıb və siyasətdə zorakılığa yer olmadığını bəyan edib.

O, amerikalıları dezinformasiyaya uymamağa, xarici qüvvələrin ölkədə bölücülük aparmasına imkan verməməyə çağıraraq fikir müxtəlifliklərini debat və səsvermə yolu ilə həll etməyin vacibliyini vurğulayıb.

"Amerikada bu cür zorakılığa yer yoxdur. Hər hansı bir zorakılığa. İstisnasız. Biz bu zorakılığın normallaşmasına yol verə bilmərik".

"Bizi Qurucularımız ehtirasların gücün başa düşürdü. Ona görə də onlar demokratiya qurdular ki, zəka və balans qəddar qüvvə üzərində zəfər çalsın," prezident deyib. "Biz həmin Amerika olmalıyıq - arqumentlərin xoş məramla irəli sürüldüyü Amerika, qanun aliliyinin hörmət olunduğu Amerika."

İyulun 13-də Pennsilvaniyanın Batler şəhərində Respublikaçıların ehtimal olunan prezidentliyə namizədi Donald Trampın təşviqat mitinqində baş verən silahlı hücum zamanı Tramp qulağından yaralanmış, azı bir mitinq iştirakçısı həlak olmuşdur. Digər iki nəfərin vəziyyəti isə ağır qalır.

Federal Təhqiqatlar Bürosu (FBI) 20 yaşlı Tomas Metyu Kruksu şənbə günü sabiq prezident Donald Trampa sui-qəsd cəhdində iştirakı olan adam kimi müəyyən edib.