МЯСНАЯ ЗАПЕКАНКА 🥧

Мясной запеканка астыырга биhиэхэ наада:

Хортуоска - 10 уст. улахан
Эт - 1 кг.
Моркуоп - 1 уст.
Сыыр - 150 гр.
Луук аҥара
Туус
Греческэй йогурт - 2%-наах 150 гр.
Укуруоп киэргэтиигэ


Бастатан туран моркуоппутун теркалаан, луукпутун кыра гына кырбаан иккиэннэрин тэҥҥэ ыhаарылыыбыт. Ол бириэмэҕэ эппитигэр киирэбит. Убаhа этин эрдэттэн ириэрэбит уонна чараас гына кырбаан противеньҥа тэнитэн уурабыт, туустуубут. Онтон эппит үрдүтүгэр ыhаарыламмыт лууктаах моркуоппутун тарҕатан кутабыт.

Мин майонез оннугар греческэй йогурт туттабын, үчүгэйдик буккуйабын уонна этим үрдүгэр кутан кэбиhэбин. Ол кэннэ хортуоскаларбытын чараас гына кырбыыбыт уонна эмиэ тэнитэн уурталыыбыт, туустуубут.

Бэлэмнээбит аспытын эрдэттэн 180 кыраадыска сылыппыт духуопкабытыгар 1 чаас устата уган кэбиhэбит. 50 мүнүүтэ туруоран баран запеканкабытын хостоон ылан сыыр кутабыт уонна сыыра уулларын гына төттөрү духуопкабытыгар бириэмэбит толору бүтүөр диэри угабыт. Бириэмэбит ааста эрэ аспытын таhааран укуруоп кутабыт.

Бу курдук запеканканы күннээҕи аһылыккытыгар эбэтэр Саҥа дьыллааҕы остуолга астанан сиэххэ сөп олус минньигэс уонна үчүгэй көрүҥнээх бүлүүдэ буолан таҕыста.

Минньигэстик аһааҥ!