Скачать или смотреть ၀တ်လဲတော်‌ရွှေပုဆိုး တန်းထိုးလို့ကြိုမယ် - အပိုင်း ၉

ဝတ်လဲတော်ရွှေပုဆိုးတန်းထိုးလို့ကြိုမယ် ဝတ္ထုသည်
မဟေသီမဂ္ဂဇင်း ၊ အခန်းဆက်ဝတ္ထုရှည်အဖြစ် တစ်နှစ်နီးပါး ဖော်ပြခဲ့သော အရိုးခိုက်အောင်စွဲလန်းကြသည့် ကျေးလက်နတ်ယုံကြည်မှုဓလေ့များနှင့် အညာဓလေ့ အညာအငွေ့ပါအောင် ရေးဖွဲ့ထားသောကျေးလက်စရိုက်ဖွဲ့ မေတ္တာသရုပ်ဖော် ရသဝတ္ထုကောင်းတစ်ပုဒ်။

ဤဝတ္ထု၏ နောက်ခံ မှာ ဧရာဝတီမြစ်နှင့် ချင်းတွင်းမြစ်ကြားရှိ ကျွန်းဆယ့်နှစ်ရွာကို ဇာတ်အိမ်တည်ထားခြင်း ဖြစ်သည်။ ယင်းတို့အနက် ဖြုံဖူးရွာ ၊ ကျောက်ဖူးရွာ ၊ မီးလောင်ကျွန်းရွာ ၊ ထန်းတောရွာ ၊ ချင်းယားရွာ စသည့် ကျွန်းဆယ့်နှစ်ရွာကို အခြေ ခံကာ ယင်း ရွာ နေ တောသူ တောင်သား ကျေးလတ် နေ လူကြီး ၊ လူငယ်မရွေး ၊ အပျို အအို မရွေး ကိုကြီးကျော် နတ်နန်းရှိရာ ထန်းတော ကူနီရွာသို့ လှည်းများဖြင့် တပျော်တစ်ပါးသွားကြရသည့် အရသာ မြင်ကွင်းတို့ကို စာဖတ်သူ ၏ စိတ်မျက်စိတွင် မြင်ယောင်လာအောင် ရေးဖွဲ့နိူင်သောစွမ်းရည်မှာ ဆရာမ ၏ ကြိုးစားအားထုတ်မှုပင်ဖြစ်ပါသည်။

မနက် မိုးမသောက်မီဝေလီဝေလင်းမှုန်တိမှုန်မွှာလရောင်အောက်မှာ ဆောင်းကြွင်းလေကို လန်းလန်းဆန်းဆန်း ရှူရှိုက်ရင်း လှည်းတအီအီစီးရသည့်အရသာ ၊ လမ်းခရီးတစ်လျှောက် စီကာစဥ်ကာ ရှိနေသည့် မြေပဲခင်း ၊ နှမ်းခင်း ၊ ဆေးခင်း ၊ နေကြာခင်းများ ကို ဖြတ်၍ အဝေးဆီမှ ထန်းတော ညိုညို ကြီးများကို လှမ်းမျှော်ကြည့်ရသည့် အညာကျေးလက် ရှုခင်းများ ၊ နတ်ဒိုးသံ ကြိုင်ကြိုင်ဆူနေသည့် နေပူပူဖုန်ထူထူကြားကကိုကြီးကျော်နတ်ပွဲတော်
ကွင်းကြီးထဲမှ ချွေးတလုံးလုံး ပြေးလွှားဆော့ကစားရ သည့် အပျော် များက ဤ စာအုပ် ၏ အသက်ဟုပင် ဆိုနိူင်ပါသည် ။

ဤ စာအုပ် ဖတ်မိသူ စာဖတ်သမား အများစုကျေးလက် စရိုက်ဖွဲ့ မေတ္တာသရုပ်ဖော်ဝတ္ထုကလေးမို့ မြတ်နိုးရပါ
သည် ဟု လည်းကောင်း ၊ တစ်ချို့က ဝတ္ထုကို အဆုံးသတ်မြန်ဆန်လွန်းသည်ဟုလည်းကောင်း ၊အပြော
ကြဆုံးမှာ ကိုကျီးညို ၏ အဖြစ်ကို တင်ပြရာတွင် စာရေး သူအနေဖြင့် အင်မတန် ရက်စက်လွန်းသည့် သဘော ဆို ကြခြင်း ဖြစ်ပေသည်။ အချို့က ဝတ္ထုဖတ်ပြီး နောက်ခံထား ရေးသားထားသော ကျေးရွာများသို့လည်းကောင်း ၊
ကိုကြီးကျော် နတ်ပွဲသို့လည်းကောင်းသွားရောက်လေ့လာ
ကာ ကိုကျီးညို နှင့် ခင်နှောင်း တို့၏ အတိတ်အရိပ်တို့ကို ကိုယ်တိုင်ခံစားခဲ့ကြသည်။ထို့ပြင်နိူင်ငံကျော်ဂီတပညာရှင်ရေနံသာ ဦးစိုးလှိုင် ကိုယ်တိုင် ဝတ္ထုကို စွဲလမ်းမိရာက နတ်ပွဲကွင်းအထိသွားရောက်ကာ ကျေးလက်ရိုးရာ နတ်ချင်းများ ရေးဖြစ်ခဲ့ပြီး ဆရာမ ဆီကိုယ်တိုင်သွား ရောက်ကာ နတ်ချင်းများကို သီဆိုခဲ့သည်။

ဆရာမ ၏ လက်ရာကောင်းများစွာ ထဲမှ မအိမ်ကံ ၊ တောမင်းသမီး တို့လောက် ဇာတ်အိမ်မကျယ်သော်လည်း ဇာတ်လမ်း အချိတ်အဆက်မိမိဖြင့် စာရှုသူ၏ နှလုံးသားကို မိမိရ ရ ဆုပ်ညှစ်ခြင်းကို ခံရမည်ဟု ကျွန်ုပ် ရဲရဲဝံ့ဝံ့ ပြောရဲသည်။
ကိုယ်တိုင်ခံစားကြည့်စေချင်ပါသည်။

ခင်ခင်ထူး
ဝတ်လဲတော်ရွှေပုဆိုးတန်းထိုးလို့ကြိုမယ်