Скачать или смотреть Tv Klan - Balluku i dorëzon detyrën Karakaçit

Me shumë emocione, duke mos fshehur herë pas here edhe lotët, Belinda Balluku i dorëzoi zyrtarisht detyrën pasardhësit të saj, i cili për gjithë vitet që ajo drejtoi këtë dikaster ishte edhe vartësi i saj.

Për herë të parë, Balluku foli për çështjen që SPAK ka hapur për të, duke thënë qartë se nuk ka asnjë lidhje me korrupsionin.

“Çdo rrugëtim ka fillimin dhe fundin e tij. Dhe sot unë jam këtu për t’i dhënë një fund këtij rrugëtimi. Tani nuk më ndihmon fare t’ju shoh përballë me emocion”.

Por, pavarësisht të vërtetës së saj, nuk do të bëhet asnjëherë pengesë për drejtësinë.

“Drejtësia besoj që duhet të jetë e lirë dhe e pavarur…
S’kam pasur asnjëherë lidhje me korrupsionin dhe s’e kam penguar kurrë që hetimi të vijojë…
S’kam as 300, as 30 apartamente. S’kam as jahte, as limuzina, as helikopterë, as avionë. Janë pjesë e një gjyqi publik.
Të them të drejtën, unë jam rritur me gjyqe publike dhe ndoshta kurrizi ma mban më shumë se çdo tjetër gjyqin publik.
Më vjen keq që kam ngarkuar qeverinë shqiptare me një peshë që nuk i takon…

Kam vendosur të mos shaj, të mos anatemoje, të jem konsistente në qëndrimin tim ndaj drejtësisë, të hesht për një çështje juridike dhe të jem konsistente në qëndrimet e mia për drejtësinë. As e kam penguar dhe as do ta pengoj drejtësinë, tek e cila unë besoj”.

Ajo vlerësoi disa herë lidershipin e Edi Ramës, por edhe mundësinë që ai i ka dhënë për të qenë bashkë me të pjesë e rrugëtimit të tij politik në pozicione të ndryshme drejtuese.

“Dua të përfitoj nga rasti të falënderoj kryeministrin Edi Rama. Falënderoj kryeministrin Rama për gjithë besimin, por mbi të gjitha për shembullin që ka krijuar me mënyrën e tij të lidershipit.

Është shkolla më e mirë nga e cila kanë dalë drejtues dhe udhëheqës politikë dhe, padyshim, njerëz që e duan Shqipërinë dhe sakrifikojnë pa asnjë lloj dyshimi për të mirën e madhe”.

Ajo iu kthye përgjigje edhe të gjithë atyre që Karakaçin e shohin si të përzgjedhurin e saj.

“Enean e gjeta këtu në vitin 2018. Ka kaluar nivele të ndryshme. Vizioni i Ramës sot ka arritur aty ku duhet të arrijë një administratë evropiane".

Do të vazhdoni me Enean për të më lënë mua të vijoj me veten time personale dhe politike.

Balluku bëri edhe një përmbledhje të të gjitha punëve të bëra nën drejtimin e saj dhe i siguroi ata që nga sot do të jenë ish-vartësit e saj se veprat janë ato që do të flasin për të gjithë dhe jo fjalët e thëna.

“Populli thotë që fjalët lënë shenja. Populli thotë edhe që fjalët i merr era. Mos harroni që era nuk i merr veprat. Ju falënderoj, ju jam mirënjohëse për gjithë këtë rrugëtim”.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/