Скачать или смотреть நெல்லையில் பொங்கல் பரிசுத் தொகுப்பு சபாநாயகர் அப்பாவு தொடங்கி வைத்தார்

தமிழக அரசால் அறிவிக்கப்பட்ட ரூபாய் 3000 உடன் கூடிய பொங்கல் பரிசுத்தொகுப்பு ஜனவரி 8ந் தேதி முதல் நியாய விலை வழங்கப்படும் என அறிவிப்பு வெளியிடப்பட்டு கடைகளில் விநியோகம் செய்யும் பணி காலை முதல் நடந்து வந்தது.நெல்லை மாவட்டத்தில் உள்ள 796 ரேஷன் கடைகள் மூலம் 5 லட்சத்து ஆயிரத்து 769 குடும்ப அட்டைதாரர்களுக்கு முழு நீள கரும்பு, சர்க்கரை, பச்சரிசி உள்ளிட்ட பரிசு பொருட்கள் வாங்குவதற்கான டோக்கன் விநியோகம் வீடு வீடாக செய்யப்பட்டுள்ளது. கடை ஒன்றுக்கு காலை 100 பேருக்கு மாலை 100 பேருக்கும் பரிசு பொருட்கள் விநியோகம் செய்யப்படுகிறது. டோக்கன்களில் பரிசு பொருட்களை பெறும் நேரம் தேதி ஆகியவை குறிப்பிட்டு விநியோகம் செய்யப்பட்டுள்ளது அதன்படி நியாய விலை கடைகளில் பொங்கல் பரிசுத் தொகுப்பு விநியோகிக்கும் பணி தொடங்கப்பட்டுள்ளது நெல்லை வண்ணாரப்பேட்டை புறவழிச்சாலையில் அமைந்துள்ள மொத்த விற்பனை பண்டகசாலை வளாகத்தில் அமைந்திருக்கும் நியாயவலைக்கடையில் மாவட்ட ஆட்சியர் சுகுமார் தலைமையில் நடந்த நிகழ்வில் தமிழக சட்டப்பேரவைத் தலைவர் அப்பாவு கலந்து கொண்டு பொங்கல் தொகுப்பினை பொதுமக்களுக்கு வழங்கி தொடங்கி வைத்தார். பொதுமக்கள் ஆர்வத்துடன் பொங்கல் தொகுப்பினை வாங்கி செல்கின்றனர் 8ந் தேதி முதல் பொங்கல் தொகுப்பு விநியோகம் செய்யப்படும் நிலையில் அதனை பெற முடியாதவர்கள் 13ந் தேதி பெற்றுக் கொள்ளலாம் என மாவட்ட நிர்வாகம் சார்பில் அறிவிக்கப்பட்டுள்ளது.
இந்த நிகழ்ச்சியில் பாளையங்கோட்டை சட்டமன்ற உறுப்பினர் அப்துல்வகாப், நெல்லை கிழக்கு மாவட்ட பொறுப்பாளர் கிரகம்பெல், மேயர் ராமகிருஷ்ணன், துணை மேயர் ராஜூ, மண்டல தலைவர் ரேவதிபிரபு உள்பட பலர் கலந்து கொண்டனர்