Скачать или смотреть श्री क्षेत्र हरिहरेश्वर मंदिर(श्रीवर्धन) दक्षिण काशी! मुंबई ते हरिहरेश्वर अनियोजित प्रवास🤪

श्री क्षेत्र हरिहरेश्वर हे कोकणातील श्रीवर्धन तालुक्यात सावित्री नदी जिथे सिंधू सागरास(अरबी समुद्र) मिळते तेथील ब्रम्हगिरी विष्णुगिरी शिवगिरी आणि पार्वती या टेकड्यांमध्ये वसलेले दक्षिण काशी म्हणून नावाजलेले एक पवित्र तीर्थस्थान आहे. मराठी शाहीतील पेशवे भट कुटुंबिया सोबतच अनेकांचे हे कुलदैवत आहेत.काशीतील विश्वेश्ररा प्रमाणेच येथे ही सोमसुत्री प्रदक्षिणा ही श्री कालभैरव योगेश्वरी दर्शनापासून सुरू होऊन कोसाची प्रदक्षिणा पुन्हा त्याच ठिकाणी येऊन संपते.... प्रदक्षिणा मार्गात आपल्याला विविध तीर्थांचे दर्शन होते . मात्र त्या साठी भरती ओहोटीचे गणित आपल्याला पाळावे लागते.
आख्यायिके नुसार विंध्याचल पर्वताचा गर्वहरण करून अगस्ती ऋषी उत्तरेतून शांततेच्या शोधात दक्षिणेत आले. इथल्या ब्रम्ह विष्णू महेश आणि पार्वती लिंगस्वरूप दर्शन झाल्यावर त्यांचे मन शांत झाले आणि त्यांनी इथे दक्षिण काशी हे तीर्थस्थान वसवले.
इथे येण्यासाठी खाजगी बस आणि राज्य परिवहन मंडळाच्या बसेस उपलब्ध आहेतच. सोबत माणगाव रेल्वेस्टेशन पासून किमान 60 किलोमीटर वर ही अंतर पडते...

श्रीवर्धन दिवेआगर आणि हरिहरेश्वर अश्या त्रिकुट पर्यटन स्थळांचा आपण खाजगी वाहनाने आस्वाद घेऊ शकतो...
सोबत इथे राहण्या खाण्याची व्यवस्था स्थानिकघरांन सोबतच इतर हॉटेल मध्ये होऊ शकते.

निळाशार स्वच्छ समुद्र आणि कोकणी पाहुणचार अनुभवायचा असेल तर नक्की या ठिकाणी भेट द्या.
#श्रीवर्धन
#कोकण
#हरिहरेश्वर
#दक्षिण काशी
#कालभैरव योगेश्वरी