કલોલના 24 વર્ષના છોકરાની વગર વિઝાએ માત્ર 48 કલાકમાં અમેરિકા પહોંચવાની દિલધડક કહાની

ઈલીગલી અમેરિકા જવાની એવી-એવી તરકીબો છે કે જેના વિશે જાણીને કોઈનું પણ મગજ કામ કરતું બંધ થઈ જાય. જોકે, એજન્ટ ગમે તેટલો હોશિયાર હોય તો પણ પેસેન્જર વગર કોઈ તકલીફે અને અમુક નિશ્ચિત સમયની અંદર બેનંબરમાં અમેરિકા પહોંચી જ જશે તેની કોઈ ગેરંટી નથી હોતી. જેમનો અનેકવાર ટ્રાય કર્યા બાદ પણ મેળ ના પડ્યો હોય, અડધા રસ્તેથી પાછા આવ્યા હોય અને છ-આઠ મહિને માંડ અમેરિકા પહોંચ્યા હોય તેવા ગુજરાતીઓની કોઈ કમી નથી, પરંતુ બીજી તરફ અમુક એવા લોકો પણ છે કે ઈન્ડિયાથી નીકળ્યાના માંડ બે-ત્રણ દિવસમાં અમેરિકા પહોંચી ગયા હોય. આવી જ સ્ટોરી છે કલોલના સંજયની, જેણે લગભગ એપ્રિલ 2022ની આસપાસ એક એજન્ટને પોતાનું કામ આપ્યું હતું. 24 વર્ષના સંજયને યુએસ પહોંચાડવા ગાંધીનગરના એક એજન્ટે 75 લાખ રૂપિયા કહ્યા હતા અને ઈન્ડિયામાં કોઈ ખાસ કામ-ધંધો ના કરતા સંજયની ફેમિલીવાળા તેના માટે તરત જ તૈયાર પણ થઈ ગયા હતા અને તે દિવસે જ એજન્ટે સંજયના પાસપોર્ટ સાઈઝ ફોટા અને પાસપોર્ટની ફોટોકોપી લઈ લીધા હતા. ડીલ ફાઈનલ થયાના એક જ અઠવાડિયામાં એજન્ટે સંજયને પોતાના ઓરિજિનલ પાસપોર્ટ સાથે ઓફિસે આવી જવા કહ્યું હતું, સંજયને ત્યારે એમ હતું કે કોઈ પ્રોસેસ માટે એજન્ટે તેને બોલાવ્યો હશે, પણ સંજય ઓફિસે પહોંચ્યો તે પહેલા જ એજન્ટે તેને યુએસ મોકલવાની આખી લિંક ગોઠવી નાખી હતી.

જુઓ અમારી વેબસાઈટ: https://www.iamgujarat.com/
વધુ વિડીયો જોવા માટે ક્લિક કરો: https://gujarati.timesxp.com/
IamGujarat સાથે વોટ્સએપ પર જોડાઓ: https://chat.whatsapp.com/Hjwo7YqSPxS...