რუსეთ-უკრაინის ომი

ერთი ადამიანი დაიღუპა, ხოლო ცხრა დაშავდა ხერსონში რუსეთის მიერ სამგზავრო ავტობუსზე დრონით განხორციელებული იერიშის შედეგად . ამასთან, ინტენსიური საბრძოლო მოქმედებები მიმდინარეობს დონეცკის ოლქში. რუსეთის თავდაცვის სამინისტროს მტკიცებით, რუსმა სამხედროებმა დაიკავეს კურახოვო, რომელიც მნიშვნელოვან ლოგისტიკურ კვანძთან, პოკროვსკთან მდებარეობს. ამასთან, უკრაინული მხარე კურახოვოს დაკარგვას არ ადასტურებს. უკრაინელი სამხედროები აცხადებენ, რომ ქალაქში სიტუაცია რთულია, თუმცა უკრაინელები ინარჩუნებენ პოზიციებს ქალაქის დასავლეთ შემოგარენში. ამას გარდა, ვრცელდება ცნობები, რომ რუსეთის საოკუპაციო ძალებმა ხარკოვისა და დონეცკის ოლქებში სამი დასახლებული პუნქტი დაიკავეს. ასევე მძიმე შეტაკებები გრძელდება ტორეცკის მიმართულებით. შეტაკებები გრძელდება რუსეთის კურსკის ოლქშიც. უკრაინის გენშტაბის ცნობით, რუსმა სამხედროებმა უკრაინელების პოზიციების შტურმი 100-ჯერ სცადეს. ვოლოდიმირ ზელენსკის განცხადებით, გასულ ხუთ თვეში რუსეთმა კურსკის რეგიონში დაახლოებით 15 000 ჯარისკაცი დაკარგა. ზელენსკის თქმით კურსკის ოპერაციამ, რომელიც უკრაინამ აგვისტოში დაიწყო, შექმნა ბუფერული ზონა, რაც ხელს უშლის რუსულ ძალებს განლაგდნენ აღმოსავლეთ უკრაინის ფრონტის მთავარ ხაზზე.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.