Скачать или смотреть 🇬🇪 ეროვნული უსაფრთხოება (008) - რა შუაშია "არაჩვეულებრივი გამოფენა"?!

#ვემსახურებისაქართველოს
#ძალაერთობაშია

ეროვნული უსაფრთხოება არის დღევანდელი მსჯელობის საგანი.
რა არის საფრთხე და როგორ მიიღწევა საფრთხეების განეიტრალება, შეკავება და არიდება.
ყველაფერი იწყება უნარით შეაფასო საფრთხე.
საფრთხის შეფასება, რისკის ანალიზის ნაწილია, ეს ხელოვნებაა, ინტელექტუალური ხელოვნება, რაც ზუსტ და სანდო მონაცემებს საჭიროებს და რაზეც დგას უსაფრთხოების არქიტექტურა და სისტემა.
ეროვნული უსაფრთხოება საქართველოსთვის უკიდურესად მნიშვნელოვანი სახელმწიფო ფუნქციური სფეროა, რომელსაც აქვს ორი დანიშნულება:
1. სახელმწიფო სტაბილურობის შექმნა;
2. ჩვენი თანასწორუფლებიანობა რეგიონულ და გლობალურ პროცესებში;
ყველაფრის ფუძემდებელი არის ერი, ხოლო სახელმწიფო არის მისი ფუნქციონირების ინსტრუმენტი. ერი განსაზღვრავს საზოგადოებრივ, ეკონომიკურ, პოლიტიკურ ინტერესებს და სახელმწიფო ატარებს ამ ინტერესებს.
არაერთხელ აღვნიშნე, არ ვართ მარტო ამ დედამიწაზე და სხვა ხალხებიც არსებობენ თავისი ინტერესებით.
ყველამ კარგად ვიცით რა გარემოში ვართ, მაგრამ კიდევ ერთხელ გავიმეოროთ - დღევანდელი მოცემულობით ეს არის 4 ზღვის „ბალტიის-შავი-ხმელთაშუა-კასპიის“ კონცეფცია და მეორე ოდნავ ნაკლები 2 ზღვის „შავი ზღვა-კასპიის ზღვა“ კონცეფცია, რომლებიც აყალიბებს გლობალური და რეგიონული მასშტაბის მოთამაშეების საერთო ან დაპირისპირებულ ინტერესებს.
რაც არ უნდა დიდი ან პატარა მოთამაშე იყოს, ჩვენც შეგვიძლია ჩვენთვის ხელსაყრელი უპირატესობის შექმნა - ეს ჩვენზეა დამოკიდებული.
ამიტომ ყველაფერზე წინ ჯერ საქართველოს ინტერესები უნდა დავაყენოთ, თავი დავანებოთ პრო-ამისტობას და პრო-იმისტობას და ვკონცენტრირდეთ ჩვენი ძალისხმევის გაერთიანებაზე, რომ მუდმივად მზად ვიყოთ ნებისმიერი სიტუაციისთვის.
თავისთავად ვერ ვიქნებით იზოლირებული გარე სამყაროსგან, ისიც კარგად ჩანს, რომ ინტერესების ჭიდილი მუდმივი მოცემულობაა, განსაკუთრებით ისეთ რეგიონში როგორიც კავკასიაა, კარგად უნდა გვესმოდეს - ინტერესების თანხვედრა იწვევს პარტნიორობას, ხოლო ინტერესების აცდენა - საფრთხეებს.

საქართველოსადმი მომართული საფრთხეების შესახებ დღევანდელი მსჯელობა 4 თემატურ სფეროს მოიცავს:
მცირე ისტორიული რაკურსი
საფრთხეების კლასიფიცირება
ეროვნული უსაფრთხოების სისტემა და არქიტექტურა
წარმატების მახასიათებლები
ძალიან ბევრი კეთილსინდისიერი და სამშობლოს მოყვარული პროფესიონალი მუშაობს ეროვნული უსაფრთხოების სისტემაში, მათ პროფესიული მოვალეობის შესასრულებლად უნდა მიეცეთ სრული დამოუკიდებლობა მოქმედებაში, ეს მათ პასუხისმგებლობაზე იქნება და დაინახავთ რა მალე დამყარდება წესრიგი ჯერ შიგნით და როგორ მოხდება მომზადება გარე საფრთხეების შესაკავებლად.
დარწმუნებული ვარ ჩვენ, როგორც ერს, ეს შეგვიძლია ამ მოთხოვნის განსაზღვრა.