Скачать или смотреть တရုတ်သို့ တင်ပို့မည့် ပဲမျိုးစုံတွင် ပိုးသတ်ဆေးဓာတ်ကြွင်း တွေ့ရှိပါက တင်ပို့ခွင့်ပိတ်မည်

တရုတ်သို့ တင်ပို့မည့် ပဲမျိုးစုံတွင် ပိုးသတ်ဆေးဓာတ်ကြွင်း တွေ့ရှိပါက တင်ပို့ခွင့်ပိတ်မည်

ရန်ကုန်၊ အောက်တိုဘာ ၁၆
တရုတ်နိုင်ငံကို တင်ပို့မယ့် ပဲမျိုးစုံ (အထူးသဖြင့် ပဲတီစိမ်း) မှာ ပိုးသတ်ဆေး ဓာတုဓာတ်ကြွင်းတွေ့ရှိရင် တင်ပို့ခွင့် ပိတ်ခံရမယ်လို့ မြန်မာနိုင်ငံ ပဲမျိုးစုံ၊ ပြောင်းနှင့် နှမ်းကုန်သည်များအသင်းကနေ အသိပေးလာပါတယ်။
ယခုနှစ်အတွင်း တရုတ်နိုင်ငံဆိပ်ကမ်းကို တင်ပို့လိုက်တဲ့ ပဲတီစမ်းတွေမှာ ဓာတုဓာတ်ကြွင်း အကြွင်းအကျန်များနေတာကြောင့် ပြန်ပို့ခံရတဲ့ ဖြစ်စဉ်ရှိခဲ့တယ်လို့ ဆိုပါတယ်။
ပို့ကုန်ကုမ္ပဏီ ၂၂ ခုက တင်ပို့တဲ့ ပဲတီစိမ်းတန်ချိန် တစ်သောင်းကျော် နဲ့ ပဲယင်းတန်ချိန် ၁၀၀ ကျော်မှာ သိုင်ယာမီသောင်ဇင်နဲ့ ထရိုင်ဆိုင်ကလိုဇော ဆိုတဲ့ ဓာတ် ၂ မျိုး များနေလို့ ပြန်ပို့ခံရတာပါ။
“နောင်တင်ပို့မယ့်ဟာတွေမှာ ဒီလိုမဖြစ်ရအောင် ကြိုးစားဆောင်ရွက်နေပါတယ်”လို့ အသင်းအကြံပေး ဦးစိုးဝင်းမောင်က ပြောပါတယ်။
တောင်သူတွေအနေနဲ့ကလည်း လာမယ့် စိုက်ပျိုးရာသီမှာ ပိုးသတ်ဆေးဓာတ်ကြွင်း မကျန်ရှိစေဖို့နဲ့ ပိုးသတ်ဆေးဓာတ်ကြွင်း ကျန်ရှိရင် တင်ပို့ခွင့်ရမှာမဟုတ်တာကြောင့် အထူးဂရုပြု အလေးထား ဆောင်ရွက်ကြဖို့ အသိပေးထားပါတယ်။
တစ်ဆက်တည်းမှာ ပိုးသတ်ဆေးဓာတ်ကြွင်း ဖြစ်ရတဲ့ နောက်ကြောင်းပြန် ခြေရာခံနိုင်တဲ့ စနစ်တွေ ထူထောင်ဖို့ လိုအပ်ပြီး ဒီလိုလုပ်နိုင်မှပဲ နိုင်ငံတကာကို တင်ပို့နေတဲ့ မြန်မာ့ပဲဈေးကွက်ကို ရေရှည်ထိန်းထားနိုင်မယ်လို့ သိရပါတယ်။
မြန်မာ့လယ်ယာထွက်ကုန်ဖြစ်တဲ့ ပဲတီစိမ်းကို တရုတ်ဈေးကွက်ထဲ အဓိကတင်ပို့ရောင်းချနေတာဖြစ်ပြီး မတ်ပဲနဲ့ ပဲစဉ်းငုံနီ တို့ကိုတော့ အိန္ဒိယနိုင်ငံကို အဓိကတင်ပို့နေတာဖြစ်ပါတယ်။
မြန်မာနိုင်ငံ ပဲမျိုးစုံ၊ ပြောင်းနှင့် နှမ်းကုန်သည်များအသင်းကနေ သိရှိရတဲ့ စာရင်းအရ ယခုဘဏ္ဍာနှစ်အတွင်း ပဲတီစိမ်းတင်ပို့မှုအားလုံးရဲ့ ၆၈ ရာခိုင်နှုန်းကျော်ကို တရုတ်နိုင်ငံကို တင်ပို့ထားတယ်လို သိရပါတယ်။
သတင်း - BETV Business
▶BETV Youtube:    / @betvbusiness  
#Myanmar_Business_News #BETV_Business_News #ပဲတီစိမ်း #ပိုးသတ်ဆေး #ဓာတုဓာတ်ကြွင်း #တရုတ်